الماتى وبلىسىنىڭ تۇرعىنى ءوزىنىڭ جۇك كولىگىنەن تات باسقان مينومەت سناريادىن تاۋىپ الدى
20:20, 05 - قازان 2015
تالدىقورعان. قازاقپارات - 39 جاستاعى قاراساي اۋدانىنىڭ تۇرعىنى ءوزىنىڭ «زيل-130» جۇك كولىگىنەن مينومەت سناريادىن تاۋىپ الدى.
الماتى وبلىستىق ءى ءى د باسپا ءسوز قىزمەتىنەن حابارلاعانداي، اۋىل تۇرعىنى كولىگىمەن كورشىلەس ىلە اۋدانىنداعى كارەرلەردىڭ بىرىنەن قۇم تاسىعان.
قاراساي اۋدانىنىڭ پوليتسەيلەرى ءى ءى د «ارلان» ارنايى قۇرىلىمىنىڭ ساپەرلەرىمەن جانە اسكەري ماماندارمەن جۇك كولىگى تۇرعان ۋچاسكەنى قورشاۋعا الىپ، قۇمنان تات باسقان مينومەت سناريادىن الىپ شىقتى.
«مينومەت سناريادى الداعى ۋاقىتتا پوليگوندا جويۋ ءۇشىن ارنايى كونتەينەرگە سالىندى» - دەپ اقپاراتتاندىردى ءى ءى د باسپا ءسوز قىزمەتى.