قىتاي مەن قازاقستاننىڭ پارلامەنت وكىلدەرى كەزدەستى
كەزدەسۋ يەلەرى، اتالعان حالىقارالىق فورۋمنىڭ ەكى مەملەكەت ءۇشىن دە وتە ماڭىزدى ەكەنىن ايتا كەلىپ، قازاقستان مەن قىتاي باسشىلارىنىڭ دوستىق قارىم- قاتىناسىنىڭ ارقاسىندا دامۋدىڭ جاڭا بەلەسىنە كوتەرىلگەن ەكىجاقتى ءوزارا ءىس- قيمىل ماسەلەلەرىنە توقتالدى. سونداي- اق، قازاقستان پرەزيدەنتىنىڭ «نۇرلى جول» باعدارلاماسى مەن ق ح ر ءتوراعاسىنىڭ «ءبىر بەلدەۋ- ءبىر جول» باستاماسى ۇزاق مەرزىمدى ءوزارا ءىس- قيمىلدىڭ جارقىن بولاشاعىنىڭ ورتاق كورسەتكىشى ەكەندىگىنە نازار اۋداردى.
اڭگىمە بارىسىندا ق. جاقىپوۆ مارتەبەلى مەيمانعا قازاقستان پرەزيدەنتىنىڭ 5 ينستيتۋتسيونالدىق رەفورمالارى مەن ونى ورىنداۋدىڭ «100 ناقتى قادام» ۇلتتىق جوسپارى جانە «قازاقستان-2050» ستراتەگياسى تۋرالى بايانداي كەلىپ، وسى ماڭىزدى باستامالاردى زاڭنامالىق تۇرعىدان قولداۋ جۇمىستارى جايىندا اڭگىمەلەدى.
ءوز كەزەگىندە لۋ حاۋ «ەۋرازيالىق ەكونوميكالىق بولاشاق» فورۋمى قازاقستان مەن قىتاي باسشىلارىنىڭ كەزدەسۋىندە قول جەتكىزىلگەن ماڭىزدى كەلىسسوزدەردىڭ ءىس جۇزىندە جۇزەگە اسۋىنىڭ تاعى ءبىر دالەلى ەكەنىن جەتكىزدى. مەيماننىڭ ايتۋىنشا، ەكى ەلدىڭ زاڭ شىعارۋشى ورگاندارى اراسىنداعى ءوزارا ءتيىمدى بايلانىس قازاقستاندىق- قىتايلىق قارىم- قاتىناستى تابىستى ىلگەرلەتۋدىڭ باستى كورىنىسى.
كەزدەسۋ بارىسىندا پارلامەنتارالىق ىنتىماقتاستىقتى نىعايتۋدىڭ قاجەتتىلىگىنە ايرىقشا نازار اۋدارىلدى.
ءماجىلىس ءتوراعاسى حالىق وكىلدەرى جالپى قىتايلىق جينالىسىنىڭ ءتوراعاسى جان دىجياڭدى رەسمي ساپارمەن قازاقستانعا شاقىردى.
ق. جاقىپوۆ قىتايلىق دەلەگاتسيا وكىلدەرىن قىتاي حالىق رەسپۋبليكاسى (1-قازان) قۇرىلۋىنىڭ 66 جىلدىعىمەن جانە جاپوندىق باسقىنشىلارعا قارسى جەڭىستىڭ 70 جىلدىعىمەن قۇتتىقتادى.
كەزدەسۋگە سونداي-اق، حالىقارالىق قورعانىس جانە قاۋىپسىزدىك كوميتەتىنىڭ ءتوراعاسى م. اشىمبايەۆ، ءماجىلىس دەپۋتاتتارى ق. سۇلتانوۆ، ج. احمەتبەكوۆ، قىتايدىڭ قازاقستانداعى توتەنشە جانە وكىلەتتى ەلشىسى جان حانحۋەي قاتىستى.