قاراماعىنداعى قىزمەتكەرلەردەن الىم-سالىق جيناعان قاراعاندى وبلىستىق باسقارماسى باستىعىنىڭ ورىنباسارى ۇستالدى
13:15, 04 - قازان 2015
قاراعاندى. قازاقپارات - قاراعاندىدا قىزمەتكەرلەردەن الىم-سالىق جيناعان قاراعاندى وبلىستىق اكىمشىلىك پوليتسيا باسقارماسى باستىعىنىڭ ورىنباسارى ۇستالدى، دەپ حابارلادى ۆەدومستۆونىڭ باسپا ءسوز قىزمەتىنەن.
«قاراعاندى وبلىسىنىڭ ءى ءى د- نە اكىمشىلىك پوليتسيا باسشىلىعىنىڭ ءوز قىزمەتكەرلەرىنەن الىم-سالىق جينايتىنى تۋرالى حابارلاما كەلىپ تۇسكەن. 3 -قازاندا وبلىستىق ءى ءى د جەكە قاۋىپسىزدىك باسقارماسىنىڭ قىزمەتكەرلەرى مەملەكەتتىك قىزمەتى ىستەرى جانە سىبايلاس جەمقورلىققا قارسى ءىس-قيمىل دەپارتامەنتى قىزمەتكەرلەرى بىرىگىپ، وبلىستىق ءى ءى د اكىمشىلىك پوليتسيا باسقارماسى باستىعىنىڭ ورىنباسارىن ۇستادى»، - دەلىنگەن حابارلامادا.
ۆەدومستۆونىڭ باسپا ءسوز قىزمەتىنىڭ اقپاراتىنشا، ۇستالعان ەر ادام بوپسالاۋ جانە الاياقتىق جاساۋدا كۇدىكتى دەپ تانىلدى.
پوليتسەي ۋاقىتشا ۇستاۋ يزولياتورىنا قامالدى. اتالعان فاكتى بويىنشا سوت الدىنداعى تەرگەۋ امالدارىن جۇرگىزىلۋدە.