وسىعان وراي قۇرامىنا STV تەلەارناسىنىڭ جۋرناليستەرى كىرگەن ارنايى توپ وبلىس اكىمى زوير ميرزايەۆتىڭ توي سالتاناتتارى مەن وتباسىلىق مەرەكەلەردى تارتىپكە كەلتىرۋ تۋرالى قاۋلىسىنىڭ ورىندالۋ بارىسىن تەكسەرۋ ماقساتىندا قالانىڭ رەستوراندارىنا رەيد جۇرگىزدى.
توپ «الپومىش» رەستورانىنا كەلگەندە توي وتكىزۋ ءتارتىبىنىڭ ورەسكەل بۇزىلعانىن بىردەن بايقادى. ەڭ الدىمەن مەكەنجايدا ءورت قاۋىپسىزدىگى ەرەجەسىنىڭ ساقتالماعانى، ەلەكتر سىمدارىنىڭ تالاپقا جاۋاپقا بەرمەيتىنى كوزگە ءتۇستى.
تويدا ونەر كورسەتكەن ءارتىس نۋرييدين مۋحيددينوۆ پەن ءبيشى گۋلا كاريموۆانىڭ مۇنداي قىزمەت كورسەتۋگە رۇقسات بەرەتىن ليتسەنزيالارى جوق بولىپ شىقتى. تويعا شاقىرىلعان قوناقتار سانى 180 ادامعا جەتكەن. ارنايى شۋىلى بار مۋزىكانىڭ دىبىستىق كورسەتكىشى ءتيىستى 30 دەتسيبەلدەن ءبىراز اسىپ كەتكەن.
«ديلشود» رەستورانىندا دا وسىنداي جاعداي ورىن العان. رەستوران جانىندا كولىكتەردى قوياتىن ورىن جوق. كولىكتىڭ كوپتىگىنەن جۇرگىنشىلەر جۇرەتىن تروتۋار جابىلىپ قالعان.
ءتۇسىرۋ توبى «تەمۋرشوح» رەستورانىندا بولعانىندا، مۇندا دا توي وتكىزۋ ءتارتىبىنىڭ ساقتالماعانى انىقتالدى. مۇندا دا ءورت قاۋىپسىزدىگى بەتىمەن جىبەرىلگەن، بىرنەشە ونەرپازدىڭ ليتسەنزيالارى بولماعان. ال شاقىرىلعان مەيماندار قاتارى 315 ادامعا تولعان. سول سياقتى كولىك قوياتىن ورىن تالاپقا ساي كەلمەيدى.
NUR. KZ