وعان ەلوردانىڭ ارداگەر ۇستازدارى، قالالىق ءبىلىم بەرۋ مەكەمەلەرىنىڭ باسشىلارى مەن قوعامدىق ۇيىم وكىلدەرى قاتىستى.
ادەتتەگىدەي، ءدال وسى كۇنى 7 اتالىم بويىنشا ۇزدىك ءبىلىم بەرۋ ۇيىمدارى استانا اكىمى گرانتتارىنىڭ يەگەرلەرى بەلگىلى بولدى. اتاپ ايتقاندا، №35 «ەرتەگى» بالاباقشاسى «ۇزدىك بالاباقشا» اتانسا، «ۇزدىك مەكتەپ» اتالىمى №40 ورتا مەكتەپكە بەرىلدى. ال «ۇزدىك گيمنازيا» اتالىمىندا №6 گيمنازيا جەڭىمپاز دەپ تانىلدى. جەڭىمپازدارعا «استانا بايتەرەك» كۋبوگى بەرىلىپ، اتالعان ءبىلىم وشاعىنىڭ وقىتۋشىلىق قىزمەتىندە ۇزدىك ناتيجە كورسەتكەن ۇستازدارىنىڭ جالاقىسىنا 50 پايىزدىق ۇستەمە قوسىلاتىن بولدى.
قوعامدىق تاماقتانۋ جانە سەرۆيس كوللەدجى «ۇزدىك كوللەدج» اتانسا، «شىعىس» بالالار- جاسوسپىرىمدەر ورتالىعىنا ۇزدىك قوسىمشا ءبىلىم بەرۋ ۇيىمى اتاعى بەرىلدى. ال ۇزدىك مامانداندىرىلعان ءبىلىم بەرۋ ۇيىمى اتالىمى №1 پسيحولوگيالىق مەديتسينالىق- پەداگوگيكالىق كونسۋلتاتسيا ورتالىعىنا بۇيىردى.
سالتاناتتى شارا بارىسىندا «جىل مۇعالىمى - 2015» قالالىق بايقاۋىنىڭ قورىتىندىسى شىعارىلىپ، جەڭىمپاز اتانعان №66 -مەكتەپ ليتسەيىنىڭ باستاۋىش سىنىپ ۇستازى سۆەتلانا باستەموۆاعا پاتەر كىلتى تابىس ەتىلدى.
«بۇگىن جىل قورىتىنىسى بويىنشا ۇزدىك ءبىلىم بەرۋ ۇيىمدارى ماراپاتتالۋدا. ءبىز بۇل وقيعانى بارلىق پەداگوگتاردىڭ سۇيىكتى مەرەكەسى مۇعالىمدەر كۇنىنە ارنايى ورايلاستىرىپ وتىرمىز. ۇزدىك جالپى ءبىلىم بەرەتىن مەكتەپ، ليتسەي- گيمنازيا، كوللەدج، بالاباقشا جاريا ەتىلىپ، جىل مۇعالىمىنە استانادان پاتەر كىلتى تابىس ەتىلدى»، - دەدى ەلوردالىق ءبىلىم باسقارماسىنىڭ باسشىسى ەلميرا سۋحابەرديەۆا.
ءوز قۋانىشىمەن بولىسكەن ەلوردانىڭ ۇزدىك ۇستازى ءوز وقۋشىلارىنا العىسىن ءبىلدىرىپ، جەڭىسكە سولاردىڭ ارقاسىندا جەتكەنىن باسا اتاپ ءوتتى. «مەنىڭ پەداگوگيكالىق ءوتىلىم 32 جىل. جالپى، مەن ءوز وقۋشىلارىمدى ءتۇرلى جارىستارعا قاتىستىرىپ، جەڭىسكە ۇمتىلۋعا ۇيرەتەمىن»، - دەدى س. باستەموۆا.
ەلوردا ۇستازدارىن روزا رىمبايەۆا، كۇمىس بازاربايەۆا، الماس كىشكەنبايەۆ، ءمادينا سادۋاقاسوۆا، باقىت شادايەۆا، سىندى ەسترادا جۇلدىزدارى قۇتتىقتاپ، اننەن شاشۋ جاسادى.
اۆتور: مارلان جيەمباي