جاڭادان بوي كوتەرگەن ونەر شاڭىراعىنا العاش رەت كەلىپ وتىرعان ايماق باسشىسى تاياۋدا عانا اكادەميالىق ستاتۋسقا يە بولعان تەاتر ۇجىمىنا شاعىن ميكرو اۆتوبۋس سىيلاپ، ونەر مايتالماندارىنا شىعارماشىلىق تابىس تىلەدى. الماتىداعى قازاق ونەرىنىڭ قارا شاڭىراعى م. اۋەزوۆ تەاترىنىڭ باتىلى جەتپەگەن بۇل قويىلىم العاش رەت شىمكەنت ساحناسىندا تۇساۋى كەسىلدى.
پەسانىڭ پرەمەراسىنا اۆتوردىڭ ءوزى قاتىستى. «توزاق شەڭبەرى» قويىلىمىنىڭ اۆتورى - تانىمال جازۋشى، دراماتۋرگ، سىنشى، قازاقستاننىڭ ەڭبەك سىڭىرگەن قايراتكەرى ءسابيت دوسانوۆ.
وڭتۇستىك قازاقستاندىقتارعا ۇسىنىلعان قويىلىم - قاتەرلى جەلتوقسان وقيعاسىن الەمدىك قاقتىعىستارمەن سالىستىرا وتىرىپ، پسيحولوگيالىق تەرەڭ ماعىنادا تالدانعان شىعارما. شارادا وبلىس باسشىسى س. دوسانوۆتىڭ شىعارماشىلىعىنداعى جەتىستىكتەرىن ايتىپ، دراماتۋرگكە سىي-سياپات جاسادى.
ايتا كەتكەن ءجون، ج. شانين اتىنداعى وبلىستىق قازاق دراما تەاترى - قازاقستاندا وبلىستىق تەاترلار اراسىنان اكادەميالىق دەگەن جوعارى ستاتۋستى يەلەنگەن العاشقى جانە جالعىز ونەر ورداسى.