«مەن رەسەي پرەزيدەنتى مەن قۇراما شتاتتار پرەزيدەنتىنىڭ كەزدەسىپ، وتكىر ماسەلەلەردى تالقىلاعانىن جىل قابىلدادىم. وباما مىرزا قازىر عانا ماعان ۋكراينا، سيريا ماسەلەلەرى بويىنشا وزدەرىنىڭ اڭگىمەلەسۋلەرىنىڭ قورىتىندىسى جايىندا ايتىپ بەردى. ونىڭ سوزىنە قاراعاندا، ولار اشىق سويلەسكەن. ماعان وباما مىرزا ايتقانداي، ول اشىق، شىنايى اڭگىمەلەسۋگە ريزاشىلىق تانىتقان.
ول: «مەن رەسەي ۇستانىمىن تۇسىنە باستادىم جانە ءبىز جۇمىس ىستەيتىن بولامىز»، - دەدى. ونىڭ پرەزيدەنتتىك لاۋازىمىنا 1,5 جىل قالعانىمەن ول امەريكا قۇراما شتاتتارى مەن رەسەي اراسىنداعى قارىم- قاتىناستى، دۇرىس قارىم- قاتىناستى رەتكە كەلتىرۋگە نيەتتى ەكەندگى قۋانتادى.
ق ر پرەزيدەنتى ءوز سوزىندە ب ۇ ۇ سەسسيالارى اياسىندا كەزدەسۋلەرىنىڭ ىشىندە ب. وبامامەن جۇزدەسۋى بارىنشا ماڭىزدى بولعانىن اتاپ ءوتتى.
«ءبىز ەكىجاقتى كەزدەسۋلەردى تالقىلادىق. مەملەكەتتىك حاتشى كەرريدىڭ قازاقستانعا رەسمي ساپارى بولادى.»،- دەدى ق ر پرەزيدەنتى.
ەلباسى ءوز سوزىندە ا ق ش- تىڭ قازاقستاننىڭ د س ۇ- عا كىرۋىنە كومەك كورسەتكەنىن جانە ءار ۋاقىتتا دا ەلىمىزدىڭ باستامالارىنا قولداۋ بىلدىرەتىندىگىن ايتتى.
اۆتور: مارلان جيەمباي