بايان ەسەنتايەۆا ەندى جىگىتتەرگە پروديۋسەر بولماقشى

توپ مۇشەسىنىڭ فوتوسىن ءوز Instagram پاراقشاسىنا جاريا ەتكەن ەسەنتايەۆا جاڭا بويز-بەندتى قۇراتىنىن مالىمدەدى، دەپ جازادى juldyz-alem.kz.

«مىنا جاپ-جاقسى جىگىت كىم؟ قىزدار، جاقىندا سەندەرگە جاڭا Boyband تىڭ بارلىق مۇشەلەرىن تانىستىراتىن بولامىن! ال ازىرگە تانىس بولىپ قويىڭدار، جاس، سىمباتتى، دارىندى @erzhan_muhataev» ، - دەپ جازعان ەسەنتايەۆا.

توپتىڭ قالعان مۇشەلەرى ازىرگە قۇپيا ساقتالۋدا. ال جازىلۋشىلار بولسا، قازىردەن بولجامدارىن جاساپ ۇلگەرگەن.

ايتا كەتەرلىگى، ەسەنتايەۆا بويز-بەندتى قۇرۋ باستاماسىن العاش رەت قولعا الۋدا. پروديۋسەردىڭ بۇگىندە ەكى ارۋلاردان قۇرالعان تانىمال توبى بار - «كەشyou» جانە «Lashyn».