دەنساۋلىق: اس سوداسىنىڭ دەنساۋلىققا پايداسى

نۇر- سۇلتان. قازاقپارات - اس سوداسىنىڭ دەنساۋلىققا پايداسى تۋرالى «ماسساگەت» پورتالىندا جاريا ەتىلگەن ماتەريالدى وقىرمان نازارىنا ۇسىنامىز.

1. سۇتكە ارالاستىرىلعان سودانىڭ ءدامى بالا كەزىڭىزدەن بەرى بارىڭىزگە تانىس شىعار. بۇل قوسپا ءالى كۇنگە دەيىن جوتەل كەزىندە سىزگە ەرەكشە اسەر ەتەدى. دارىگەر ماماندار ءبىر شاي قاسىق سودانى قايناعان سۇتكە قوسىپ، ۇيىقتار الدىندا ىشۋگە كەڭەس بەرەدى.

2. ال ءسۇتتى ۇناتپايتىن ادامدار بولسا، ولارعا جوتەل كەزىندە سودا ەرىتىندىسىنەن جاسالعان ينگالياتسيا (تاماق بۋلاۋ) كومەكتەسەدى. 1 ليتر قايناعان سۋعا 1 اس قاسىق سودا جەتكىلىكتى.

3. تاماعىڭىزدىڭ اۋرۋىنا سودا ەرىتىندىسى ەرەكشە كومەكتەسەدى. ونىڭ ەكى شاي قاسىعىن الىپ، ءبىر ستاقان جىلى سۋمەن ارالاستىرىڭىز. كۇنىنە 5-6 رەت شايىپ تۇرۋىڭىز كەرەك. سودا تاماعىڭىزدىڭ شىرىشتى قابىعىن سۋلاندىرىپ، تاماق قىشۋىن توقتاتادى.

4. كونيۋكتيۆيت كەزىندە كوزىڭىزدى ءجيى سودا ەرىتىندىسىمەن جۋعانىڭىز دۇرىس. الايدا ءبىر ەسكەرە كەتەتىن جايت، ءبىر ماقتانى تەك ءبىر-اق رەت قولدانىڭىز.

5. سودا مەديتسينادا باياعىدان بەرى اريتمياعا قارسى ءدارى رەتىندە قولدانىلىپ كەلەدى. كەنەتتەن جۇرەگىڭىز قاتتى سوعىپ، اۋىرسا، سودانىڭ جارتى شاي قاسىعىن تۇتىنىپ، توقتاتۋعا بولادى.

6. گيپەرتونيا كەزىندە دە وتە پايدالى. اعزاداعى سۇيىقتىق پەن تۇزدى شىعارىپ، ارتەريالىق قىسىمدى تومەندەتەدى. سودانى شاي قاسىقتىڭ جارتىسىنا سالىپ، دارىڭىزبەن بىرگە تۇتىنىڭىز.

7. قوعامدىق كولىكتەردە باسىڭىز اينالىپ، قۇسقىڭىز كەلسە، وزىڭىزبەن بىرگە اس سوداسىن الىپ ءجۇرۋدى ۇمىتپاڭىز.

8. ەگەر بىرەۋ قىشقىلعا كۇيىپ قالسا، وعان تەز ارادا سودا ەرىتىندىسىن جاعىپ، بايلاپ تاستاڭىز.

9. سودانى اۋىر جاراقات الىپ، كوپ قانىڭىزدى جوعالتقاندا نەمەسە ءبىر نارسەدەن ۋلانعاندا العاشقى كومەك رەتىندە قولدانۋ قاجەت. ول ءۇشىن سودا مەن تۇز ەرىتىندىسىن دايىنداعانىڭىز دۇرىس. دايىنداۋ جولى وتە قاراپايىم: ءبىر شاي قاسىق سودا مەن ءبىر شاي قاسىق تۇزدى الىپ، ءبىر ليتر قايناعان سۋعا سالىپ جاقسىلاپ ارالاستىرىڭىز. دايىن بولعان سوڭ ءار 5 مينۋت سايىن تۇتىنىڭىز.

10. اۋزىڭىزدى سودامەن شايۋ ارقىلى ءتىس اۋرۋلارىنان امان قالاسىز. ىستىق سودا ەرىتىندىسىن دايىنداپ قويىپ، كۇنىنە 5-6 رەت اۋزىڭىزدى شايۋدى كۇندەلىكتى ادەتكە اينالدىرىڭىز. سوندا سىزگە ءتىس دارىگەرىنە قارالۋدىڭ دا قاجەتى بولمايدى.

11. سونىمەن قاتار سودا تاماشا كوسمەتيكالىق زات. ونى سابىن ۇنتاعىمەن ارالاستىرىپ، اپتاسىنا ەكى رەت بەتىڭىزدى ءسۇرتىپ تۇرىڭىز. ول ءسىزدىڭ بەتىڭىزدى بەزەۋلەردەن قۇتقارادى.

12. سودا ءتىس پاستاسىنىڭ دا ورنىن اۋىستىرا الادى. ونى ماقتاعا مالىپ الىپ، تىسىڭىزدەگى تات كەتكەنشە ىسقىلاڭىز. كوپ ۇزاماي ناتيجەسىنە كوزىڭىز جەتەدى.

13. سودا ەرىتىندىسى قۇرت-قۇمىرسقا، شىبىن-شىركەي شاققان جەرلەردى دە تەز كەتىرەدى. ەگەر شاققان جەرىنە كۇنىنە بىرنەشە رەت جاقساڭىز، ورنى دا قالمايدى. جانە جارانىڭ اۋزىنا ميكروب تۇسىرمەيدى.

14. جۇمىستان قاتتى شارشاپ كەلگەن كۇنى كەشكە سودامەن اياعىڭىزدى ۋقالاڭىز. 5 اس قاسىق سودانى 10 ليتر جىلى سۋمەن ارالاستىرساڭىز جەتەدى. سودان كەيىن 15 مينۋت اياعىڭىزدى سۋعا سالىپ، ۋقالاساڭىز، شارشاعانىڭىز بىردەن باسىلادى.