بۇگىن رەسپۋبليكانىڭ كەي ايماقتارىندا جاڭبىر جاۋادى
رەسپۋبليكانىڭ سولتۇستىگىنىڭ كەي جەرلەرىندە جاڭبىر جاۋادى، وڭتۇستىك-شىعىسىنىڭ تاۋلى ايماقتارىندا جاۋىن-شاشىن بولىپ، كەي جەرلەرىندە تۇمان، ەكپىندى جەل بولادى، وڭتۇستىگىنىڭ كەي جەرلەرىندە شاڭدى داۋىل كوتەرىلەدى.
بۇل تۋرالى قازگيدرومەت حابارلادى.
جامبىل وبلىسىنىڭ كەي جەرلەرىندە جەل 18-23 م/س كۇشەيەدى، تۇندە جانە تاڭەرتەڭ كەي جەرلەرىندە تۇمان كۇتىلەدى. وڭتۇستىك قازاقستان وبلىسىنىڭ كەي جەرلەرىندە جەل 15-20، ەكپىنى 23-28 م/س كۇشەيەدى. قىزىلوردا وبلىسىنىڭ كەي جەرلەرىندە جەل شاڭدى داۋىلمەن 15-20 م/س كۇشەيەدى.
كۇندىز ماڭعىستاۋ، اتىراۋ وبلىستارىنىڭ كەي جەرلەرىندە جەل 15-20 م/س كۇشەيەدى. سولتۇستىك قازاقستان وبلىسىنىڭ كەي جەرلەرىندە تۇمان كۇتىلەدى، كۇندىز جەل 15-20 م/س كۇشەيەدى. شىعىس قازاقستان وبلىسىندا، تۇندە جانە تاڭەرتەن اقمولا، قاراعاندى، الماتى وبلىستارىنىڭ كەي جەرلەرىندە تۇمان كۇتىلەدى.
تۇندە الماتى، جامبىل، وڭتۇستىك قازاقستان، قىزىلوردا وبلىستارىنىڭ كەي جەرلەرىندە 1-3 گرادۋسقا دەيىن كۇن سۋىتادى.
قىزىلوردا وبلىسىندا، وڭتۇستىك قازاقستان، باتىس قازاقستان، قاراعاندى، قوستاناي، اقتوبە وبلىستارىنىڭ كەي جەرلەرىندە وتە جوعارى ءورت قاۋپى ساقتالادى.