ماڭعىستاۋدا تۇيەنى قاعىپ كەتكەن كولىك جۇرگىزۋشىسى مەن جولاۋشى ايەل قازا تاپتى
02:22, 29 - قىركۇيەك 2015
استانا. قازاقپارات - جول- كولىك اپاتى ماڭعىستاۋ اۋدانىنداعى شەتپە- جىنعىلدى كۇرە جولىندا ورىن العان. پوليتسيانىڭ مالىمەتتەرىنشە، Daewoo Nexia كولىگىن باسقارىپ كەلە جاتقان اقتاۋ قالاسىنىڭ 21 جاستاعى تۇرعىنى جول ۇستىنە شىعا كەلگەن تۇيەنى باسىپ كەتتى.
«جول اپاتىنىڭ زارداپتارى قايعىلى بولدى: جەڭىل كولىكتىڭ جۇرگىزۋشىسى مەن ونىڭ 51 جاستاعى جولاۋشىسى، وزبەكستان ازاماتشاسى العان اۋىر جاراقاتتارىنان وقيعا ورنىندا كوز جۇمعان. تاعى ءبىر جولاۋشى، 20 جاستاعى جىگىت جابىق باس سۇيەك- مي زاقىمى، باس ميىنىڭ سوعىلۋى جانە وزگە دە دەنە جاراقاتتارىمەن اۋرۋحاناعا جەتكىزىلدى»، - دەپ حابارلادى جول- پاترۋلدىك پوليتسيانىڭ قىزمەتكەرلەرى.
جول اپاتىندا تۇيە دە ولگەن، دەپ حابارلايدى lada.kz.