رەسمي دەرەك بويىنشا 24 ميلليون گەكتار اۋماعى بار سىر ولكەسىنە 40-50 مىڭعا جۋىق كيىك سولتۇستىكتەن اۋىپ، ەن دالادا جوسىپ جۇرەدى. سونىڭ 10 مىڭدايى زاڭسىز اڭشىلىقتىڭ قۇربانى بولادى ەكەن.
سونداي- اق قىزىل كىتاپقا ەنگەن بالىقتاردى اۋلاۋشىلارعا دا ايىپپۇل كولەمى ارتتى. ماسەلەن، شىركەيلى اۋىلىنىڭ اعايىندى 2 تۇرعىنى 4 دانا قاياز بالىعىن اۋلاپ، سول ءۇشىن ءارقايسىسىنا 1 جارىم ميلليون تەڭگەدەن ايىپپۇل سالىندى. بۇعان دەيىن زاڭسىز اڭ اۋلايتىندار تەك اكىمشىلىك جاۋاپكەرشىلىككە تارتىلاتىن. ەندىگى جەردە قىلمىستىق ءىس قوزعالادى.
اسحات تاجەنوۆ، سىرداريا اۋدانىنىڭ پروكۋرورى:
- قۇنى جوعارى بولىپ ەسەپتەلەتىن دجيپ «لاند كرۋيزەر» اۆتوكولىگىنىڭ 3-ەۋى اۋكسيون ارقىلى ساتىلىپ، تۇسكەن قاراجات مەملەكەتتىڭ پايداسىنا ءوندىرىلدى. قازىرگى تاڭدا سوت تاجىريبەسىنە سايكەس وسى باعىتتا، وسى سالادا سوت قاتاڭ ۇستانىم ۇستانىپ وتىر .
www.24.kz