ءبىر اياعى جوق ءبيشى جىگىت تورەشىلەردى تەبىرەنتتى

ول ساحناعا شىققان كەزدە شوۋدىڭ ءادىل قازىلارى سەلك ەتە قالدى، ال، ول بيلەي باستاعاندا، كوزدەرىنە جاس الىپ، جىگەرى مىقتى جىگىتتىڭ ونەرىنە باس ءيدى.

سوچي قالاسىنان كەلگەن ەۆگەني راسىمەن دە ءادىل قازىلار القاسىن عانا ەمەس، شوۋ كورەرمەندەرىنىڭ بارلىعىن تامساندىردى. «2001 - جىلدان بەرى كاسىبي بيگە دەن بۇرعان ەدىم. ءتىپتى، ۇلكەن كونسەرتتەردە ونەر كورسەتەتىن ارنايى توپ تا قۇردىق. «برەيكدەنس» ستيلىن وتە قاتتى جاقسى كورەمىن جانە كوبىنەسە وسى جانردا بيلەيتىن ەدىم.

 ءبىراق، وكىنىشكە قاراي، كوماندامىز قازىر تاراپ كەتتى. ونىڭ ۇستىنە مەن ءبىراز ۋاقىت كوماندانىڭ جۇمىسىنا ارالاسا الماي قالدىم. سەبەبى.. . سەبەبى، 2012 - جىلى جول اپاتىنا ۇشىرادىم. موتوتسيكل ءمىنىپ كەلە جاتقان مەنى كولىك سوعىپ كەتتى، جول اپاتىنىڭ سالدارىنان ءبىر اياعىمنان ايىرىلىپ قالدىم.. .باسىندا، ءومىرىم وسى جەردە بىتكەن شىعار دەپ ويلادىم، ءبىراق، بويىمنان كۇش- قۋات تاۋىپ، قايتا بيلەۋدى باستادىم. ءبىر اياقپەن بيلەپ ۇيرەنۋ وڭاي ەمەس ەدى.. .»، - دەيدى ەۆگەنيي سميرنوۆ.

ەۆگەني سميرنوۆتىڭ شوۋداعى سەرىگى - داشا سميرنوۆا دەگەن كاسىبي ءبيشى بولدى. العاشىندا، ءادىل قازىلار القاسى داشا - ەۆگەنيدىڭ ايەلى دەپ ويلادى، الايدا، تەكتەرى بىردەي بولعانىمەن، ەۆگەني مەن داشانىڭ اراسىندا ەشقانداي تۋىستىق قاتىناس جوق ەكەن. داشانىڭ ايتۋىنشا، ونىڭ جارى بار، ال جەنيانىڭ سۇيىكتى قىزى بار. قازىلار القاسى ەۆگەنيدى شوۋدىڭ كەلەسى كەزەڭىنە وتكىزدى. ءتىپتى، «ولاردىڭ (اياق- قولى ساۋ بيشىلەردىڭ) قانشالىقتى جالقاۋ، كىشكەنە جەتىستىكتىڭ وزىنە كەۋدە قاعاتىن ادام ەكەندەرىن دالەلدەگەنى» ءۇشىن جەنياعا العىس ايتتى.