پاۆلوداردا اۆتوبۋستاعى ورىنعا تالاسقان جولاۋشىلار ايىپپۇل تولەيتىن بولدى
15:46, 25 - قىركۇيەك 2015
استانا. قازاقپارات - پاۆلودار وبلىسىندا قوعامدىق كولىكتە ورىنعا تالاسىپ، بالاعات سوزدەر ايتقان جولاۋشىلارعا ايىپپۇل سالىندى، - دەپ حابارلايدى Tengrinews.kz ءتىلشىسى ەرتىس اۋداندىق سوتىنا سىلتەمە جاساپ.
سوتتاعىلاردىڭ ايتۋىنشا، ەر ادام مەن ءبىر ايەل اۆتوبۋس ايالداماسىندا سوزگە كەلىپ قالعان. قوعامدىق كولىككە وتىرعاننان كەيىن ەكەۋى الداعى ورىنعا تالاسىپ قالىپتى. ەكى جولاۋشىنىڭ اراسىنداعى ۇرىس- كەرىس ءبىرىن-ءبىرى بالاعاتتاۋعا دەيىن جەتكەن.
«سوت ەرتىس اۋدانىنىڭ تۇرعىندارىن اكىمشىلىك قۇقىق بۇزدى، ۇساق بۇزاقىلىق جاسادى دەپ ايىپتادى. بۇل قۇقىق بۇزۋشىلىق ءۇشىن 10 ا ە ك كولەمىندەگى ايىپپۇل قاراستىرىلعان،
ول 19820 تەڭگەگە تەڭ»، - دەدى سوتتاعىلار.
ايتا كەتەيىك، ەكى ادامعا قاتىستى سوتتىڭ قاۋلىسى زاڭدى كۇشىنە ەندى.