«ءبىزدىڭ ەرتەڭگى كۇنىمىز جارقىن بولسىن! ءارقاشاندا ەلىمىز امان، جۇرتىمىز تىنىش، بىرلىگىمىز بەرىك بولسىن!» - دەدى اكىم ايت نامازىنا جينالعان قاۋىمعا.
ايت نامازى اياقتالعان سوڭ مەشىتتىڭ ىشكى اۋلاسىندا قۇربان شالۋ ءراسىمى بولدى. ايماق باسشىسىنىڭ اتىنان دا قۇرباندىق مالى شالىندى.
سونداي- اق مەشىتتىڭ سىرتىنداعى الاڭدا مەرەكە ۇيىمداستىرىلدى، ۇلتتىق ويىندار ويناتىلىپ، ارتىستەر ونەر كورسەتتى.
بەردىبەك ساپاربايەۆ اقتوبەدەگى باسقا ەكى مەشىتتە دە بولدى: ورتالىق قالالىق مەشىت پەن «نۇرداۋلەت» ورتالىق مەشىتىندە جاماعاتتى قۇربان ايت مەرەكەسىمەن قۇتتىقتادى.
«قۇربان ايت مەرەكەسىندە نيەت- تىلەكتەرىڭىز قابىل بولىپ، ءۇي ىشتەرىڭىزگە بەرەكە مەن بىرلىك الىپ كەلسىن!» - دەدى اكىم قۇتتىقتاۋىندا.