ا. باتالوۆ: قۇربان ايت - جالپى ادامزاتتى جاقسىلىققا، ىزگىلىك پەن يماندىلىققا تاربيەلەيتىن ۇلىق مەيرام
«قۇرمەتتى جەتىسۋلىقتار! سىزدەردى بارشا مۇسىلمان حالقى ءۇشىن قاسيەتتى قۇربان ايت مەرەكەسىمەن قۇتتىقتايمىن!
قۇربان ايت - جالپى ادامزاتتى جاقسىلىققا، ىزگىلىك پەن يماندىلىققا تاربيەلەيتىن ۇلىق مەيرام.
بۇل كۇندەرى ادامدار ءبىر- بىرىنە دەگەن جۇرەكتەن شىققان شىنايى نيەتىن، ىقىلاسىن بىلدىرەدى. يمان - ادىلەتتى، مەيىرىمدى، بەرەكەلى قوعامنىڭ ۇيىتقىسى.
ەلباسىمىز نۇرسۇلتان ءابىش ۇلى نازاربايەۆ: «مۇسىلمان ءدىنى - ەلدىڭ بارلىعىن بولىنۋگە ەمەس، بىرىگۋگە شاقىرادى»، - دەگەن بولاتىن. يسلام ءدىنى بارشا ادامعا قۇرمەتپەن قارايدى، يماندىلىق شاپاعاتىن ۋاعىزدايدى.
بەس پارىزدىڭ ءبىرى - قاجىلىقپەن تۇسپا- ءتۇس كەلەتىن قاسيەتتى ايت كۇنى اللا تاعالا بارلىق دۇعا- تىلەكتەرىڭىز بەن شالعان قۇرباندىقتارىڭىزدى قابىل ەتسىن!
قۇربان ايت مەرەكەسى ءار شاڭىراققا بەرەكە مەن قۋانىش اكەلسىن. بارشا جەتىسۋلىقتارعا زور دەنساۋلىق، باقىت، ىنتىماق، ىرىس جانە يماندىلىق تىلەيمىن!
بۇكىل ەل بولىپ باستاعان جارقىن ىستەرىمىز جەمىستى، ۇلى دالا ەلىنىڭ كەلەشەگى كەمەل بولسىن!» - دەپ جازىلعان اكىمنىڭ قۇتتىقتاۋىندا.