قىرىق ەشكى قوراعا «قايتىپ» كەلدى - ب ق و
09:35, 25 - قىركۇيەك 2015
ورال. قازاقپارات - قازتالوۆ اۋداندىق ىشكى ىستەر ءبولىمى جالپاقتال پوليتسيا ءبولىمىنىڭ ساقشىلارى ۇرلانعان قىرىق ەشكىنى تاۋىپ، يەسىنە قايتاردى.
ب ق و ءى ءى د باسپا ءسوز قىزمەتىنەن تۇسكەن مالىمەتكە قاراعاندا، شەكشەك اتا تۇلىگىنىڭ قولدى بولعانى جونىندە پوليتسياعا شارۋا قوجالىعىنىڭ باسشىسى حابارلاعان.
جەدەل ىزدەستىرۋ شارالارى بارىسىندا ۇرىلاردىڭ كورشىلەس جاڭاقالا اۋدانى ماستەكساي اۋىلىنان كەلگەنى انىقتالدى.
ەكى بارىمتاشى 1988 -جىلعى، ونىڭ بىرەۋى ىشكى ىستەر ورگاندارىندا ەسەپتە تۇرادى. ۇرلىققا اۋىزدانىپ جۇرگەن ءۇشىنشىسى 21 جاستا. بۇلاردىڭ ءبارى دە ەش جەردە جۇمىس جاسامايدى، شاماسى، ۇرلىقتى كاسىپ قىلىپ جۇرسە كەرەك.