«قىمباتتى وتانداستار!
مەيىرىمدىلىك پەن ادىلەتتىلىك جولىندا ىزگىلىك پەن اسقان جاناشىرلىقتىڭ سالتانات قۇرۋىن بارىنشا ايقىن بەينەلەيتىن يسلامنىڭ باستى مەرەكەلەرىنىڭ ءبىرى - قۇربان ايت - قازاقستاننىڭ بارلىق ازاماتتارىن ۇيىستىرۋشى، بىرىكتىرۋشى حالىقتىق داستۇرگە اينالدى.
قۇربان ايت - قوعامنىڭ رۋحاني ومىرىندەگى ماڭىزدى وقيعا، ونىڭ ىشكى مازمۇنى حالقىمىزدىڭ رۋحاني قۇندىلىقتارىن بەينەلەيدى، ال جوعارى يماني الەۋەتى بەيبىتشىلىك پەن كەلىسىمدى، قازاقستاندىق قوعامنىڭ بەرىكتىگىن ودان ءارى نىعايتا تۇسۋگە قىزمەت ەتەدى.
قىمباتتى جەرلەستەر!
بۇگىنگى قاسيەتتى كۇن بارشامىزعا شاپاعات- نۇرىن توگىپ، بولاشاققا جولىمىزدى اشسىن!
بارشا قازاقستاندىقتارعا بەيبىت ءومىر مەن بەرەكە، زور دەنساۋلىق، العا قويعان ماقساتتارىنا تابىسپەن قول جەتكىزۋلەرىن تىلەيمىز!
مەرەكە سىزدەردىڭ وتباسىلارىڭىزعا قۋانىش پەن وركەندەۋ اكەلسىن!»، - دەلىنگەن قۇتتىقتاۋدا.