اتالمىش كادر سوڭعى كەزدەرى پەنتاگوندا باسشىلىق قىزمەتتەر اتقارىپ كەلگەن ەكەن. 47 جاستاعى فەننينگ مۇندا «جارىق جۇلدىز» سانالادى. ونى ارىپتەستەرى ەڭ بىلىكتى ماماندار قاتارىنا جاتقىزادى. وبامانىڭ ايتۋىنا قاراعاندا، فەننينگتىڭ اسكەري قىزمەت سالاسىندا كوپ جىلداردان بەرى جيناقتالىپ قالعان باي تاجىريبەسى بار جانە ليدەرلىك قاسيەتتەردەن ادا ەمەس. «مەن ونىڭ ءبىزدىڭ ەرلەر مەن ايەلدەردەن قۇرالاتىن اسكەري قىزمەتكەرلەرىمىزگە جاقسى قارايتىنى ءۇشىن رازىمىن. مەن ەندى ونىڭ امەريكا سولداتتارىنا دا جاقسى باسشىلىق جاساي الاتىنىنا سەنىمدىمىن» ، - دەدى ا ق ش پرەزيدەنتى.
بۇرىن CBS News تەلەارناسىنىڭ جۋرناليسى بولعان فەننينگ كەيىنگى جىلدارى ا ق ش- تىڭ ەشتون كارتەر باسقاراتىن قورعانىس مينيسترلىگىندە شتاب باستىعى بولىپ قىزمەت اتقارعان. بۇعان دەيىن اۋە قارۋلى كۇشتەرى ءمينيسترىنىڭ ورىنباسارى بولعان. ەندى سەنات كەلىسىم بەرسە، فەننينگ بۇرىن رەسپۋبليكالىق پارتيا اتىنان كونگرەسمەن بولعان، بيىل ءوزىنىڭ وتستاۆكاعا كەتەتىنىن جاريالاعان مينيستر دجون ماكحيۋدىڭ ورنىن باسقالى تۇر.
«ەگەمەن قازاقستان»