شىعىس قازاقستان سوتى جۇمىسشىلاردىڭ قۇقىعىن قورعادى

استانا. قازاقپارات - «شىعىس قازاقستان وبلىستىق مەملەكەتتىك ەڭبەك ينسپەكتسياسى باسقارماسى» م م «نازار» ج ش س- ىنە جۇمىسشىلاردىڭ ۇجىمدىق ءوتىنىشى نەگىزىندە نۇسقاۋدى ورىنداۋدى ماجبۇرلەۋ تۋرالى تالاپ ارىزبەن سوتقا جۇگىندى.

مەملەكەتتىك ەڭبەك ينسپەكتورى ج ش س- ىندە جوسپاردان تىس تەكسەرۋ جۇرگىزدى. تەكسەرىس ناتيجەسى بويىنشا قازاقستان رەسپۋبليكاسى ەڭبەك زاڭناماسىنىڭ تالاپتارىن بۇزۋشىلىقتى جويۋ تۋرالى نۇسقاۋ بەرىلدى.

اتاپ ايتقاندا، ج ش س-نىڭ 37 جۇمىسشىنىڭ الدىندا ەڭبەكاقى بويىنشا 2015 -جىلعى ءساۋىر ايىنا 2425503 تەڭگە، مامىر ايىندا 2414443 تەڭگە كولەمىندە قارىزى بار ەكەندىگى انىقتالدى. سونىمەن قاتار، جالاقى مەن تيەسىلى سوما ۋاقىتىندا تولەنبەگەنى ءۇشىن جۇمىس بەرۋشى مەرزىمدى وتكىزىپ الۋدىڭ ءاربىر كۇنىنە كايتا قارجىلاندىرۋ مولشەرلەمەسىنە سايكەس ءوسىمپۇل تولەمەگەن.

سوت كورسەتىلگەن مالىمەتتەردى ەسكەرە وتىرىپ، «ش ق و مەملەكەتتىك ەڭبەك ينسپەكتسياسى باسقارماسى» م م- نىڭ «نازار» ج ش س- ىنە قاتىستى تالابىن قاناعاتتاندىردى.

اۆتور: ن. نۋراحمەت