مەككە مۇسىلماندار ءۇشىن قاسيەتتى ورىن سانالادى. ونى قۇرمەت تۇتاتىنى سونشالىق، وزگە ءدىن وكىلدەرىنە مەككەگە جولدى جاۋىپ تاستاعان.
يسلامدى ۇستاناتىندار مەككەدە جينالىپ، اللاعا ماداقتارىن جاۋدىرادى. قاجىلىق بارلىعى اللانىڭ الدىندا تەڭ ەكەنىن كورسەتەتىن جورالعى.
الايدا مۇنداي راسىمدە دە ازداعان تەڭسىزدىكتەر بار بولىپ شىقتى. ەل اراسىندا « VIP- قاجىلىق» دەگەن ۇعىم پايدا بولدى. دىندە دە جوعارى قىزمەتتى اقىلاي الۋ مۇمكىندىگى تۋدى.
قاراپايىم قاجىلىق پەن VIP- قاجىلىقتىڭ ايىرماشىلىعى وعان جول تارتۋ كەزەڭىنەن- اق باستالادى. ءبىرىنشى جاعدايدا جول ۇزاقتىعى 20 كۇن بولسا، ەكىنشى جاعدايدا 7 كۇن عانا.
قازاقستانداعى تۋراگەنتتىكتەردىڭ ءبىرىنىڭ وكىلى، قاراپايىم قاجىلىققا باراتىنداردىڭ دەنى ءبىراز ۋاقىتىن راسىمدەرگە قاتىستى ءبىلىم الىپ، كليماتىنا ۇيرەنۋ ءۇشىن سول ەلدە وتكىزەتىنىن ايتتى. ال قىمبات قاجىلىقتى تاڭدايتىندار قاجىلىققا تالاي رەت بارعاندىقتان، ۇيرەنىسۋگە ۋاقىت جوعالتپاي، بىردەن قاجىلىق جاساۋعا كىرىسەدى.
VIP- قاجىلىقتا چارتەرلىك رەيسپەن ۇشاتىن 10 ورىندى ۇشاق جالدانادى. اۋەجايلاردا كليەنتتەردى ارنايى VIP- ايماققا كولىكپەن جەتكىزەدى.
ارزانداۋ قوناقۇيلەر ءال- حارام مەشىتىنەن 3 شاقىرىم جەردە ورنالاسسا، VIP- قاجىلار قاسيەتتى ورىننان 50 مەتر قاشىقتىقتا عانا ورنالاسقان الدەقايدا قىمبات قوناقۇيلەرگە جايعاستىرىلادى.
قازاقستاندىقتار تەرەزەسى قاعباعا قارايتىن اۋدانى 120 شارشى مەترلىك پرەزيدەنتتىك نومىرلەردە جاتادى. قازاقستاندىق تۋراگەنتتىكتەرمەن بىرلەسە جۇمىس ىستەيتىن وسىنداي قوناقۇيلەردىڭ ءبىرى Raffles Makkah Palace.
پرەزيدەنتتىك نومىردە ءبىر ءتۇن وتكىزۋ 180 مىڭ تەڭگەگە، ال پاتشالىق ليۋكس نومىرلەرىندە 583 مىڭ تەڭگەگە دەيىن بارادى.
قاجىلىق كەزىندە ءوز كەلبەتىڭە كۇتىم جاساپ، قىرىنىپ، تىرناق الۋعا رۇقسات ەتىلمەسە دە، قوناقۇيلەردە سپا- سالوندار، حامامدار مەن جاتتىعۋ زالدارى بار.
جايلى ۇشاق پەن جاقسى قوناقۇيدەن بولەك VIP- قاجىلىقتا وزگە دە ارتىقشىلىقتار جاسالعان. ماسەلەن، مەككەدەگى مينا وڭىرىنە كەلگەن VIP- قاجىلارعا ارنايى شاتىرلار تىگىلەدى.
قاراپايىم قاجىلىقتا ادامدارعا بۇل جاعداي قاراستىرىلماعان. ولار دالادا اجەتحاناعا بارىپ، تاماقتى ءوز قالتالارىنان تولەسە، VIP- قاجىلار شاتىرداعى جايلى ديۆان، اجەتحانا مەن «شۆەد داستارقانىنا» لايىق ءۇش ۋاقىت تاماقتانۋ ارتىقشىلىقتارىنا يە بولادى.
ارافات تاۋىنا كەلۋدە دە ايىرماشىلىقتار بار. وعان جەتكەنشە قالتالىلار ارنايى جەلدەتكىش ورناتىلعان تاسىعىشتاردا وتىرادى. تاماقتانۋ دا قاراستىرىلعان. بۇدان وزگە كوپتەگەن تۋراگەنتتىكتەر VIP- قاجىلارعا گيدتىڭ قىزمەتىن ۇسىنادى.
باعاسىنا كەلەتىن بولساق، قاراپايىم قاجىلىقتىڭ قۇنى 4000 ا ق ش دوللارى. ال VIP- قاجىلىق 15000- 30000 دوللار.
VIP- قاجىلىققا قاتىستى قازاقستان مۇسىلماندارى رۋحاني باسقارماسى ءبولىمىنىڭ باسشىسى قانات بەكجانوۆ ءوز پىكىرىن ءبىلدىردى.
«ءار ادام ءوز شارتتارىن قويادى. ەگەر بىرەۋ قىزمەتتىڭ جاقسى دەڭگەيدە بولعانىن قالاپ، ول ءۇشىن تولەۋگە ءازىر بولسا، وندا تۇرعان ەشتەڭە جوق»، دەيدى بەكجانوۆ.
بۇدان وزگە بەكجانوۆ بادەل قاجىلىق تۋرالى ايتىپ بەردى. ادامدار قازا بولعانداردىڭ، نەمەسە جاعدايى كەلمەيتىن جانداردىڭ ورنىنا قاجىلىققا بارا الادى. بۇل دىنگە قايشى ەمەس. ەڭ باستىسى وزگەنىڭ ورنىنا باراتىن مۇسىلمان بۇعان دەيىن ءوزى ءۇشىن قاجىلىققا بارىپ كەلگەن بولۋى ءتيىس.
NUR. KZ