بەيجىڭدە «قازاقپارات» پەن «حالىق گازەتى» ىنتىماقتاستىق تۋرالى مەموراندۋمعا قول قويدى - فوتو

 بەيجىڭ. قازاقپارات - «قازاقپارات» حالىقارالىق اقپاراتتىق اگەنتتىگىنىڭ باس ديرەكتورى داۋرەن دياروۆ پەن قىتاي كوممۋنيستىك پارتياسىنىڭ ورتالىق باسپا ورگانى -  «حالىق گازەتى» («جەنمين جيباو») گازەتىنىڭ پرەزيدەنتى يان چجەنۋ ءوزارا تۇسىنىستىك جانە ىنتىماقتاستىق تۋرالى مەموراندۋمعا قول قويدى.

 قۇجاتقا سايكەس تاراپتار «ءبىر بەلدەۋ، ءبىر جول» جوباسى مەن «نۇرلى جول باعدارلاماسىن اقپاراتتىق سۇيەمەلدەۋدى جۇزەگە اسىرىپ، ىنتىماقتاستىقتا جۇمىس جۇرگىزەدى.

ەسكە سالساق، كەشە «ءبىر بەلدەۋ، ءبىر جول» بويىنداعى ب ا ق ىنتىماقتاستىعى فورۋمىنىڭ اشىلۋىندا قۇرمەتتى شەتەل قوناقتارىنىڭ العاشقىلارىنىڭ ءبىرى بولىپ «قازاقپارات» حالىقارالىق اقپاراتتىق اگەنتتىگىنىڭ باس ديرەكتورى داۋرەن دياروۆ ءسوز سويلەگەن بولاتىن.

 فورۋمدى «حالىق گازەتى»  ۇيىمداستىردى. شاراعا 59 ەلدەن 155 مەدياقۇرىلىم، ب ۇ ۇ تىلشىلەر قاۋىمداستىعى وكىلدەرى، ق ح ر كوممەرتسيا ۆيتسە- ءمينيسترى، حىنان پروۆينتسياسى، شانشي، گانسۋ، لانجوۋ قالاسى، چيڭداۋ قالاسى،  شاندۇڭ پروۆينتسياسى پارتيا كوميتەتتەرىنىڭ حاتشىلارى، جياڭسۋ، گۋاڭدۇڭ پروۆينتسيالارى مەن قىتايدىڭ باسقا وڭىرلەرى اتقارۋشى ورگاندارىنىڭ، قىتاي بانكتەرى، كورپوراتسيالار مەن ب ا ق وكىلدەرى قاتىستى.