نۇرلان مەن مۇرات ءبىرىن ءبىرى ساعىنعان سەكىلدى

استانا. قازاقپارات - مۇرات پەن نۇرلان قايتا دۋەت بولىپ قۇرىلدى.

بۇل تۋرالى توپ جىگىتتەرى «تاڭشولپان» باعدارلاماسىنا بەرگەن سۇحباتتارىندا ايتتى دەپ حابارلايدى baistars.kz.

مۇرات قوجا وسىعان دەيىن ەندى توپتا ونەر كورسەتپەيتىنىن ايتقان ەدى. الايدا ءانشى ويىن وزگەرتىپ، نۇرلانمەن قايتا بىرىگۋدى ءجون ساناپتى. «كوپشىلىكتىڭ سۇراۋى بويىنشا توپتى قايتا قۇرۋدى ءجون كوردىك. نۇرلان مەن مۇرات حالىقتىڭ ەسىندە جاقسى قالعان.

سەبەبى، مەنى جەكە مۇرات قوجا نەمەسە «كاسپيدەگى» مۇرات دەسە تاني قويمايدى. ءبارى نۇرلان مەن مۇراتتاعى مۇرات دەپ بىلەدى. سول سەبەپتى، توپتى جاڭعىرتۋدى قولعا العالى وتىرمىز. ونىڭ ۇستىنە كەلەر جىلى نۇرلان مەن مۇراتتىڭ قۇرىلعانىنا 20 جىل تولادى. سول جيىرما جىلدىققا دايىندالىپ ءجۇرمىز. قازىر ءان تاڭداۋ ۇستىندەمىز. كەشتى ادەتتەگىدەي ەمەس، ەرەكشە شوۋ رەتىندە ۇيىمداستىرماقپىز»، دەيدى مۇرات قوجا.

ەستەرىڭىزگە سالا كەتسەك، «نۇرلان مەن مۇرات» توبى 1996 -جىلى اتىراۋ قالاسىندا قۇرىلدى.

NUR. KZ