اشا ماتاي ۇزاتىلۋ تويىندا اكەسىنە ارناپ ءان ايتتى - فوتو - كەسكىن

استانا. قازاقپارات - كەشە الماتىدا «اق راۋشان» («بەلىە روزى») رەستورانىندا قازاقستاندىق ءانشى ءارى تەلەجۇرگىزۋشى اشانىڭ ۇزاتۋ تويى ءوتتى.

توي باسىندا اشانى جازيرا بايىربەكوۆا اسەم انىمەن ورتاعا الىپ شىقتى. ال ارمان «ميستەريونس» توبىمەن بىرگە ءان سالدى.

ەكى جاستىڭ قۋانىشىنا ورتاقتاسىپ بارشا تۋىستارى مەن ونەردەگى ارىپتەستەرى كەلدى. ولاردىڭ ىشىندە بايان ەسەنتايەۆا، ساكەن مايعازيەۆ، ماقپال يسابەكوۆا، ءادىل مەن دانا، جانبولات پەن جازيرا، اسەل سادۋاقاسوۆا، ديلناز احماديەۆا، قايرات نۇرتاس، سالتانات باقايەۆا، رانو وماروۆا، مادينا سادۋاقاسوۆا سىندى ەسترادا جۇلدىزدارى بار، دەپ جازادى baistars.kz.

ءانشى ۇزاتىلۋ تويىندا اكەسىنە ارناپ ءان ورىندادى.

اشا ماتاي (شىن اتى - اسقاربەكوۆا اقبوتا مارات قىزى) - «شابىت» جانە «جاحان دالا» گران-پريىنىڭ يەگەرى، «جۇلدىزدار يمپەرياسى» («يمپەريا زۆەزد») تەلەشوۋىنىڭ جەڭىمپازى. الماتىدا 1988-جىلى زاڭگەرلەر وتباسىندا دۇنيەگە كەلگەن. اناسى - باتەس - تانىمال پروديۋسەر بايان ەسەنتايەۆانىڭ ۇلكەن اپكەسى.