بەيجىڭدە ءماجىلىس دەپۋتاتتارى قازاقستاندىقتاردىڭ قۇندىلىقتارى جايلى بايان ەتتى

بەيجىڭ. قازاقپارات - قازاقستاندىقتار ءۇشىن بەيبىتشىلىك پەن قوعامدىق كەلىسىم ەڭ بيىك قۇندىلىق بولىپ تابىلادى.

بۇل تۋرالى بەيجىڭدە وتكەن «قازاقستان حالقى اسسامبلەياسى جىلى: قوعامدىق كەلىسىم مەن ۇلتتىق بىرلىكتىڭ قازاقستاندىق ۇلگىسى» اتتى دوڭگەلەك ۇستەل بارىسىندا ق ر پارلامەنت ءماجىلىسىنىڭ دەپۋتاتى نادەجدا نەستەروۆا مالىمدەدى.

«پارلامەنتتە ساياسي فراكسيالار قازاقستان حالقى اسسامبلەياسىنا بىرلەسكەن قىزمەت، جۇمىس تۋرالى مەموراندۋمعا قول قويۋ باستاماسىن ۇسىندى. سەبەبى بەيبىتشىلىك پەن قوعامدىق كەلىسىم ماسەلەسى - بۇل ەڭ باستى قۇندىلىق. قاي ساياسي ماقساتتى الساڭ دا ءبارى وسى ءبىر ارناعا كەپ توعىسادى. قازاقستان حالقى اسسامبلەياسى وتباسى تاربيەسى، انالارعا كەڭەس، ادامگەرشىلىك پەن قۇندىلىقتاردى دارىپتەۋ باعىتىندا جۇمىس ىستەپ، بىرلىككە، ىنتىماققا باسا نازار اۋدارادى»، - دەدى ول.

قازاقستان پارلامەنتاريى دەلەگاتسيا ق ح ر- داعى ق ر ەلشىلىگىنە ق ح ا- نىڭ 20 جىلداعى قىزمەتى تۋرالى دەرەكتى فيلم، اسسامبلەيا عىلىمي- ساراپتاۋ كەڭەسى شىعارعان ادىستەمەلىك كىتابىن الا كەلگەنىن اتاپ ءوتتى.

شارانى ق ح ر- داعى ق ر ەلشىلىگى ۇيىمداستىردى. وعان شاڭحاي ىنتىماقتاستىق ۇيىمىنىڭ (ش ى ۇ) باس حاتشىسى دميتري مەزەنتسيەۆ، قىتايداعى ەلشىلەر - اندرەي دەنيسوۆ (رەسەي)، كانايىم باكتىعۇلوۆا (قىرعىزستان)، چينار رۋستاموۆا (تۇركمەنستان)، لاتيف گانديلوۆ (ازەربايجان)، تاجىك، بەلارۋس، ۋكراين ديپلوماتتارى، قىتايدىڭ شەت ەلدەرمەن حالىقتىق دوستىق قوعامى وكىلدەرى، قحر مەملەكەتتىك ۇلتتار ءىسى كوميتەتى قىزمەتكەرلەرى، قىتايلىق عالىمدار توبى وكىلدەرى، ب ا ق جانە بەيجىڭ ج و و- لارىندا وقيتىن قازاقستاندىق جاستار قاتىستى.

ەسكە سالا كەتەيىك، قازاقستان حالقى اسسامبلەياسى ءتوراعاسىنىڭ ورىنباسارى - قازاقستان رەسپۋبليكاسى پرەزيدەنتى اكىمشىلىگىنىڭ قازاقستان حالقى اسسامبلەياسى حاتشىلىعىنىڭ مەڭگەرۋشىسى ەرالى توعجانوۆتىڭ باسشىلىعىمەن بارعان قازاقستاندىق دەلەگاتسيا قۇرامىنا پارلامەنت ءماجىلىسىنىڭ دەپۋتاتتارى زۋحرا ساياپوۆا، نادەجدا ناستەروۆا، «دۇڭعان ەتنومادەني ورتالىقتار قاۋىمداستىعى» ا ا باسقارماسىنىڭ مۇشەسى شاكىر حاحازوۆ، «قازاقستان رەسپۋبليكالىق ۇيعىر مادەني ورتالىعى» ا ا ءتوراعاسى شايماردان نۇرۇموۆ، ق ح ا الماتى وبلىسى بويىنشا حاتشىلىق مەڭگەرۋشىسى عابيت تۇرسىنباي، ق ر پ ءا  ق ح ا حاتشىلىعىنىڭ ينسپەكتورى ەدىل وسپان، ق ر س ءى م سىرتقى ساياسي تالداۋ جانە بولجاۋ دەپارتامەنتىنىڭ كەڭەسشىسى ايدا ەرمەكقاليەۆا كىردى.