ۇشقىشسىز اپپارات جاپونيانىڭ كونە قورعاندارىنىڭ بىرىنە قۇلادى
09:00, 20 - قىركۇيەك 2015
استانا. قازاقپارات - ەلدىڭ ۇلتتىق قازىنالارىنىڭ قاتارىنا جانە دۇنيەجۇزىلىك «يۋنەسكو» مۇراسىنا كىرەتىن جاپونيانىڭ ەجەلگى قورعاندارىنىڭ ءبىرى حيمەدزيگە ۇشقىشسىز ۇشۋ اپپاراتى قۇلادى.
ونى قورعاننىڭ باس مۇناراسىنداعى بەسىنشى قابات شاتىرىنان كۇزەت قىزمەتكەرلەرى تاپتى.
جاپونيا پوليتسياسى اپپاراتتى كىم ىسكە قوسقانىن انىقتاۋعا تىرىسۋدا.
تامىزدىڭ سوڭىندا جاپونيا پارلامەنتى ەل قالالارىنىڭ حالىق تىعىز ورنالاسقان اۋداندارىنىڭ ۇستىنەن ۇشقىشسىز اپپاراتتى ۇشىرۋعا تىيىم سالعان اۆياتسيا تۋرالى زاڭعا تۇزەتۋلەردى ماقۇلداعان بولاتىن.
زاڭدى قاتاڭداتۋعا ءساۋىر ايىنىڭ سوڭىندا ورىن العان وقيعا سەبەپ بولعان.
ول كەزدە درون توكيو ورتالىعىنداعى جاپونيا پرەمەر-ءمينيسترى رەزيدەنتسياسىنىڭ شاتىرىنا قونعان ەدى.
قۇلااعان اپپاراتقا تۇتىندەۋ قۇتىسى مەن «فۋكۋسيما-1» ا ە س اپاتتى ايماعىنان ءالسىز راديواكتيۆتى قۇممەن پلاستيكالىق شيشا بەكىتىلگەن.