جامبىلدىقتارشا جان باعۋ

استانا. قازاقپارات - جامبىل وبلىسىندا شوپان برۋتسەللەز (قارا مالدا، شوشقادا جانە ادامدا بولاتىن سىرقىرامالى سارپ اۋرۋ) مالدىڭ بازاردا ساتىلعانىن ايتىپ، جۇرتتىڭ جاعاسىن ۇستاتتى.

مەركى اۋدانىنداعى ەڭ ءىرى سەرىكتەستىكتىڭ قويشىسى ساكەن ماۋتەنوۆ وتارداعى 330 عا جۋىق قويدىڭ سارپ اۋرۋىن جۇقتىرعانىن جەتكىزدى.

بۇل تۋرالى ك ت ك ارناسى حابارلايدى.

ۆەتەرينارلار دەرتكە شالدىققان شوپان اتا تۇقىمدارىن جويۋدىڭ ورنىنا، ەلگە ساتقان كورىنەدى. دەگەنمەن مال دارىگەرلەرى بۇل قويشىنىڭ ساندىراعى دەپ وتىر.

ساكەن ماۋتەنوۆ «جىلىبۇلاق- مەركى» سەرىكتەستىگىنىڭ قويشىسى بولعان. شوپان ءوزىن مال دارىگەرى تاقىرعا وتىرعىزدى دەيدى. ايتۋىنشا، تەكسەرىس جۇرگىزگەن مامان وتاردىڭ جارتىسىنان كوبىنەن برۋتسەللەز انىقتاعان. ءسويتىپ، 330 عا جۋىق اۋرۋ مالدىڭ كوزىن جويامىن دەپ اكەتىپتى. ال كەيىننەن سول تاركىلەنگەن شوپان اتا تۇقىمدارى ماۋتەنوۆتىڭ موينىنا ارتىلعان. بۇل كىسىلەر سوتقا بەردى 326 قوي، سوسىن كەرىمبايەۆ بولات 111 باس قويىن الىپ كەتكەن مەنەن. الماتىدا قىزىم ءۇي سالىپ جاتىر دەپ. سونىمەن 450 باس بولىپ تۇر. سول 450 باسپەن مەنى سوتقا بەرەدى، دەيدى مەركى اۋدانىنىڭ تۇرعىنى ساكەن ماۋتەنوۆ.

 قويشىنىڭ سوزىنشە، سارپ اۋرۋىنا شالدىققان ۇساق مال سەرىكتەستىك جۇمىسشىلارىنا جالاقى ەسەبىنە تاراتىلىپ كەتكەن. ءتىپتى دەرتتى جۇقتىرعان قويلاردىڭ بازاردا ساۋداعا ءتۇسىپ جاتقانىن كورىپ اڭ- تاڭ بولىپتى. ال اۋرۋ مالدى تاڭباسىنان جازباي تانىسا كەرەك. ول جاڭاعى ورتەلدى بەككەرەي شۇڭقىرىنا كومىلدى دەگەن قوي، سول بازاردا تۇر. ونى دا دالەلدەپ بەردىك. ونىڭ ديسكىسىن سوتقا دا كورسەتتىك، اكىمدىكتەن كەلگەن مال دارىگەرى دە وعان جاۋاپ بەرە الماي قالدى، دەيدى مەركى اۋدانىنىڭ تۇرعىنى ساكەن ماۋتەنوۆ.

 ال مال دارىگەرىنىڭ ايتۋىنشا، شوپان ۇجىمشاردىڭ 450 باس قويىن تالان- تاراجعا سالعان. ەندى جازادان قۇتىلۋ ءۇشىن قۋلىققا كوشكەن دەيدى ول. وتاردىڭ تەڭ جارىمىنان برۋتسەللەز شىقتى دەگەنى دە بەكەر ەكەن. تەك، 48 قويدان سارپ اۋرۋى انىقتالىپتى. ءارى سول ءۇشىن مەملەكەتتەن وتەماقى تولەنگەن. داۋعا سەبەپ بولعان دا وسى دەيدى ۆەتەرينار. بولىنگەن قارجىنى شوپان قالتاسىنا باسىپتى. بۇل كىسىنىڭ ايتۋى بويىنشا، 326 باس قويدان برۋتسەللەز انىقتالعان ەكەن؟ - جوق، ونداي جوق، 48 باس انىقتالدى. ونى ءبولىپ الىپ شىقتىق، دەيدى «جىلىبۇلاق- مەركى» ج ش س مال دارىگەرى ءنارىپباي باتىربەكوۆ.

ماۋتەنوۆ 48 قويعا بەرىلگەن وتەماقىنى مال دارگەرىمەن بولىسكەنىن ايتادى. جەمە- جەمگە كەلگەندە ونى مويىنداۋدان باس تارتتى دەيدى. ازىرگە بۇل داۋدىڭ نەمەن اياقتالارى بەيمالىم. ەگەر بازاردا برۋتسەللەز مالدىڭ ساتىلعانى راستالسا، ءبىراز شەنەۋنىكتىڭ اتىنان اۋىپ قالارى انىق.