ق ر قورعانىس ءمينيسترىنىڭ شەشىمىمەن «باتىس» وڭىرلىك قولباسشىلىعىنىڭ قولباسشىسى قىزمەتىنەن بوساتىلدى
الدىن الا تەكسەرۋ جانە تەرگەۋ قورىتىندىسى بويىنشا قورعانىس ءمينيسترىنىڭ شەشىمىمەن پولكوۆنيك مۇرات نۇعىمانوۆ قىزمەتىنەن شەتتەتىلىپ، «باتىس» وڭىرلىك قولباسشىلىعىنىڭ قولباسشىسى قىزمەتىنەن بوساتىلدى.
سونىمەن قاتار، «باتىس» وڭىرلىك قولباسشىلىعى قولباسشىسىنىڭ ءبىرىنشى ورىنباسارى - شتاب باستىعى ريزات قولپاشەۆتى، «باتىس» وڭىرلىك قولباسشىلىعى قولباسشىسىنىڭ جاۋىنگەرلىك دايارلىق بويىنشا ورىنباسارى، پولكوۆنيك مەرگەن قاپاشەۆتى، تەڭىز جاياۋ اسكەرى بريگاداسىنىڭ كومانديرى، پودپولكوۆنيك ەربولات تولىقبايەۆتى قىزمەتىنەن بوساتۋ تۋرالى شەشىم قابىلداندى. ولاردىڭ بۇدان ارعى جاۋاپكەرشىلىگىن اسكەري پروكۋراتۋرانىڭ تەرگەۋ شارالارىنىڭ ناتيجەسى بويىنشا سوت ورگاندارى انىقتايتىن بولادى.
ۆەدومستۆا باسشىسى بۇگىن اقتاۋعا وقيعا ورنىنا بارىپ، اسكەري گوسپيتالدا جاتقان ساربازداردىڭ كوڭىلىن سۇراپ، وسىنداي ءقاۋىپتى ءارى ەكسترەمالدى جاعدايداعى ۇتىمدى ارەكەتتەرى ءۇشىن العىسىن ايتتى جانە تەز ارادا ساۋىعىپ كەتۋلەرىنە تىلەكتەستىگىن ءبىلدىردى. سونداي-اق، جان- جاقتى مەديتسينالىق تەكسەرۋمەن قاتار، پسيحولوگيالىق كومەك كورسەتۋدى تاپسىردى.