اشحابادتا تۇركىمەنستان- اۋعانستان- پاكىستان- ءۇندىستان ترانس ۇلتتىق گاز قۇبىرىن سالۋ جوباسى تالقىلاندى
09:48, 18 - قىركۇيەك 2015
استانا. قازاقپارات - تۇركىمەنستان پرەزيدەنتى عۇربانع ۇلى بەردىمۇحامەدوۆ اۋعانستان يسلام رەسپۋبليكاسىنىڭ تاۋ- كەن قورلارى مەن مۇناي ءمينيسترى داۋدشاح سابا باستاعان اۋعانستان ۇكىمەتىنىڭ دەلەگاتسياسىن قابىلدادى، دەپ حابارلادى turkmenistan.ru.
كەزدەسۋ بارىسىندا تاراپتار وتىن- ەنەرگەتيكالىق سالاسىنداعى سەرىكتەستىكتى دامىتۋ جانە تۇركىمەنستان- اۋعانستان- پاكىستان- ءۇندىستان (ت ا پ ءۇ) ترانس ۇلتتىق گاز قۇبىرىن سالۋ جوباسىن ىسكە اسىرۋ ماسەلەلەرىن تالقىلادى.
تۇركىمەنستان پرەزيدەنتىنىڭ اتاپ وتۋىنشە، تاراپتار اۋعانستاندا تۇراقتى ەكونوميكالىق جانە الەۋمەتتىك جاندانۋ، ەلدىڭ ايماقتىق جانە الەمدىك شارۋاشىلىق قاتىناستارىنا تابىستى قوسىلۋ ءۇشىن ماڭىزدى شارت رەتىندەگى ت ا پ ءۇ گاز قۇبىرى جوباسىنىڭ ىسكە اسىرىلۋىنا ەرەكشە ءمان بەرىپ وتىر.
سونداي- اق، كەلىسسوزدەر بارىسىندا تاراپتار ساۋدا- ەكونوميكالىق سەرىكتەستىك، ەكونوميكالىق، قارجىلىق جانە اگرو ونەركاسىپ سالالارىنداعى ىنتىماقتاستىقتىڭ وڭ جاعدايلارىن جاساۋ ماسەلەلەرىن ورتاعا سالدى.