ۇلتتىق بانك ارالاسقاننان كەيىن دوللاردىڭ باعاسى تومەندەدى
17 -قىركۇيەك كۇنى تاڭەرتەڭ جاسالعان ساۋدا 275 تەڭگەمەن باستالدى، ەڭ جوعارى باعا دا وسى. ال ەڭ تومەنگى باعا 268,1 تەڭگەگە تەڭ بولدى. ساۋدانىڭ جالپى كولەمى 233,5 ميلليون دوللاردان استى. بارلىعى 24 قاتىسۋشى بولدى.
ەسكە سالا كەتەيىك، اقشا ايىرباستاۋ ورىندارى دوللاردى 300 تەڭگەمەن ساتا باستاعاندا ۇلتتىق بانك تەڭگە باعامىن تۇراقتاندىرۋعا شەشىم قابىلدادى.
«ۆاليۋتا نارىعىنا قاتىسۋشىلاردىڭ الىپساتارلىق وپەراتسيالارى سەبەپشى بولعان تەڭگەنىڭ ايىرباستاۋ باعامىنىڭ قۇبىلمالىلىعىنىڭ وسۋىنە بايلانىستى، ىرگەلى ماكروەكونوميكالىق فاكتورلاردىڭ وبەكتيۆتى جانە ەلەۋلى وزگەرۋىنىڭ بولماۋى جاعدايىندا قازاقستان رەسپۋبليكاسىنىڭ ۇلتتىق بانكى 16 -قىركۇيەكتەن باستاپ ىشكى ۆاليۋتا نارىعىنداعى احۋالدى تۇراقتاندىرۋ ماقساتىندا ۆاليۋتالىق وكتەمدىك جۇرگىزۋگە شەشىم قابىلدادى. ۇلتتىق بانكتىڭ ۆاليۋتالىق وكتەمدىگىنىڭ كولەمى بيىل 16 -قىركۇيەكتە 144 ميلليون دوللاردى قۇرادى»، - دەگەن مالىمدەمە جاسادى ۇلتتىق بانكتەگىلەر.
ساۋدا- ساتتىققا KASE ۆاليۋتالىق نارىعىنىڭ 12 مۇشەسى قاتىستى.
ەسەپتەسۋى ت+1 تەڭگەمەن ا ق ش دوللارىنىڭ ورتاشا سارالانعان باعامى ءبىر ا ق ش دوللارىنا 270,86 تەڭگەنى، ساۋدا- ساتتىق كولەمى - 22200 مىڭ ا ق ش دوللارىن قۇرادى.
ەسەپتەسۋى ت+2 تەڭگەمەن ا ق ش دوللارىمەن مامىلەلەر جاسالعان جوق. سەسسيا جابىلار ساتتە باعا بەلگىلەۋلەر تىركەلگەن جوق.
ەسەپتەسۋى ت+1 تەڭگەمەن ەۋرو بويىنشا ورتاشا سارالانعان باعامى ءبىر ەۋروعا 305,00 تەڭگەنى قۇرادى، ساۋدا- ساتتىق كولەمى - 1000000 ەۋرو.
ەسەپتەسۋى ت+2 تەڭگەمەن جانە ا ق ش دوللارىمەن ەۋرو بويىنشا مامىلەلەر جاسالعان جوق. سەسسيا جابىلار ساتتە باعا بەلگىلەۋلەر تىركەلگەن جوق.