قازاق ءتىلىن ۇيرەتەتىن مۋلتفيلم جارىق كوردى
بۇل مۋلتفيلم مەكتەپ جاسىنا دەيىنگى بالالاردىڭ سويلەۋىن، دۇنيەتانىمىن دامىتۋعا ىقپال ەتەدى. جوباعا 5 ميلليون تەڭگە جۇمسالعان، دەپ حابارلايدى Bnews.kz ءتىلشىسى.
وبلىستىق تىلدەردى دامىتۋ باسقارماسى قىزمەتكەرلەرىنىڭ ايتۋىنشا، انيماتسيالىق سەريالدىڭ نەگىزگى يدەياسى مۋلتفيلم ارقىلى ءتىل ۇيرەتۋدىڭ جەڭىل ءارى قولايلى تاسىلىنە نەگىزدەپ، بالالاردىڭ جان دۇنيەسىنە جاقىن، جاس ەرەكشەلىگىنە ساي انيماتسيالىق، مۋلتيپليكاتسيالىق كورىنىستەر نەگىزىندە ءتىل ۇيرەنۋگە دەگەن قىزىعۋشىلىعىن ارتتىرۋ، دۇنيەتانىمىن كەڭەيتۋ، ءتىلىن، سوزدىك قورىن دامىتۋ. جاڭا توپتاما 3-7 جاس ارالىعىنداعى بالالارعا ارنالعان. مۋلتفيلم ءتىل ۇيرەتەدى ءارى بالالاردى ادامگەرشىلىككە باۋليدى.
«انيماتسيالىق ءفيلمنىڭ سيۋجەتى نەگىزىندە وتباسى قۇندىلىقتارى، اتا- انانى سىيلاۋ، وتباسىنداعى ۇلگى- ونەگە، قارىم- قاتىناس، ادەپتىلىك الىپپەسى، ادامگەرشىلىك، ىزگىلىك قاسيەتتەر بەرىلەدى. باستى كەيىپكەرلەر ماقساتتى اۋديتوريا جاسىنا ساي كەلەدى. بۇل انيماتسيالىق سەريالدىڭ باستى ەرەكشەلىكتەرى»، - دەيدى وبلىستىق تىلدەردى دامىتۋ باسقارماسىنىڭ باسشىسى گۇلايىم تولەبايەۆا.
ءوڭىر مۇعالىمدەرىنىڭ ايتۋىنشا، بۇل مۋلتفيلم بالالارعا عانا ەمەس، مەكتەپكە دەيىنگى مەكەمەلەردىڭ پەداگوگتارىنا ءوز پراكتيكالىق جۇمىستارىنا قولدانۋ ءۇشىن ۇسىنىلىپتى.
ايتا كەتەرلىگى، «مەنىڭ وتباسىم»، «ادەپتىلىك- ادەمىلىك»، «كىم بولام؟» «مەنىڭ وتانىم» سەكىلدى ءماندى مۋلتفيلمدەر اقتوبەدەگى مەكتەپكە دەيىنگى ۇيىمدارعا تەگىن تاراتىلادى.
وبلىستىق تىلدەردى دامىتۋ باسقارماسى جىل سايىن بالاباقشادان باستاپ ەرەسەكتەرگە دەيىن ءتىل ۇيرەنۋشى وقۋ- ادىستەمەلىك قۇرالدار شىعارىپ كەلەدى. اتاپ ايتقاندا، « قىزىقتى قازاق ءتىلى»، «بانك سالاسى قىزمەتكەرلەرىنە ارنالعان كومەكشى قۇرال»، «عاجايىپ ماتەماتيكا»، «قازاق ءتىلىن ۇيرەنەيىك»، «مەملەكەتتىك قىزمەتكەرلەردىڭ مەملەكەتتىك ءتىلدى ءبىلۋ دەڭگەيلەرىن انىقتاۋعا ارنالعان تەست جيناعى»، «سالىق سالاسى قىزمەتكەرلەرىنە ارنالعان گرامماتيكالىق انىقتاعىش»، «مەديتسينا سالاسىنا ارنالعان كەشەن» وقۋ- ادىستەمەلىك قۇرالدارى دا جارىق كوردى.
ستاتيستيكاعا سۇيەنسەك، ءوڭىردىڭ مەملەكەتتىك ورگاندارىنداعى قازاق تىلىندەگى قۇجات اينالىمىنىڭ ۇلەس سالماعى � دى قۇراپ وتىر. مەملەكەتتىك ءتىلدىڭ كوممۋنيكاتيۆتىك قولدانۋ دەڭگەيى ارتۋدا: بۇقارالىق اقپارات قۇرالدارىنىڭ كونتەنتىندە قازاق تىلىندەگى حابارلاردىڭ ۇلەسى X,2.
BNews.kz