وباما قولدان ساعات جاساعان مەكتەپ وقۋشىسىن اق ۇيگە شاقىردى
07:46, 17 - قىركۇيەك 2015
استانا. قازاقپارات - ا ق ش پرەزيدەنتى باراك وباما پوليتسەيلەردىڭ بومبا دەپ ويلاعان قولدان جاسالعان ساعات ءۇشىن ۇستالعان 14 جاسار جاسوسپىرىمدى اق ۇيگە شاقىردى.
«كۇشتى ساعات، احمەد. ونى اق ۇيگە اكەلگىڭ كەلە مە؟ ءبىز وسىنداي بالالاردى عىلىممەن اينالىسۋعا شابىتتاندىرۋىمىز كەرەك. بۇل امەريكانى ۇلى ەتەتىن دۇنيە»، - دەپ جازدى وباما تۆيتتەردە.
بۇعان دەيىن سارسەنبى كۇنى امەريكا ب ا ق- تارى يرۆينگ قالاسى (تەحاس شتاتى) پوليتسياسىنىڭ مەكتەپكە قولدان جاساعان ەلەكتروندىق ساعاتپەن كەلگەن جاسوسپىرىمدى قاماۋعا العانىن حابارلادى. پوليتسيانى ءبىلىم مەكەمەسىنە ساعاتتى بومبا دەپ ويلاعان مەكتەپ اكىمشىلىگى شاقىردى.
باسىلىمنىڭ مالىمەتتەرىنشە، تەگى سۋداندىق احمەت مۇحاممەد بۇل ارەكەتىمەن مۇعالىمدەر مەن سىنىپتاستارىن تاڭعالدىرعىسى كەلگەن.
«مەن عىلىمدى ۇناتامىن، ءبىراق قاراتورى بولعانىمنان، قاۋىپ اكەلەتىندەي كورىنەمىن»، - دەپ مويىندادى ۇل بالا بريتاندىق The Independent-كە.