قازاقستاندا اڭ اۋلاۋ ماۋسىمى باستالدى
15:17, 16 - قىركۇيەك 2015
استانا. قازاقپارات - ق ر اۋىل شارۋاشىلىعى مينيسترلىگى قازاقستاندا اڭ اۋلاۋ ماۋسىمىنىڭ باستالعانىن جاريالادى. ماۋسىم اڭدار مەن قۇستاردىڭ كەيبىر تۇرلەرىنە عانا قاتىستى بولىپ وتىر جانە قىركۇيەكتىڭ ءبىرىنشى سەنبىسىنەن 31 - جەلتوقسانعا دەيىن سوزىلادى.
بۇل تۋرالى بۇگىن ق ر ا ش م ورمان شارۋاشىلىعى كوميتەتى ءتوراعاسىنىڭ ورىنباسارى ناريمان ءجۇنىسوۆ ءمالىم ەتتى.
«اڭ اۋلاۋ وبەكتىلەرى سۇتقورەكتىلەردىڭ 34 ءتۇرى مەن قۇستاردىڭ 59 ءتۇرى بولىپ تابىلادى. بۇعى، ايۋ، ءسىبىردىڭ تاۋ ەشكىلەرى، ءسىبىر ەلىكتەرى، قابان، قۇرلار جانە قاز، ۇيرەك سىندى اڭ- قۇستارعا قىركۇيەكتەن باستاپ اڭشىلىق ەتۋگە رۇقسات ەتىلدى. اڭشىلىق تۇراقتى اڭ اۋلاۋ جەرلەرى بويىنشا جۇزەگە اسىرىلادى»، - دەيدى ول.
بۇگىنگى تاڭدا ورمان شارۋاشىلىعى جانە جانۋارلار الەمىن قورعاۋ سالاسىنىڭ زاڭناماسىن بۇزعانى ءۇشىن 4016 ادام اكىمشىلىك جاۋاپكەرشىلىككە تارتىلعان.
اۆتور: جاسۇلان جولدىبايەۆ