قازاقستاننىڭ اسكەري تەڭىزشىلەرى ا ق ش- تىڭ اسكەري بازاسىندا تاعىلىمدامادان وتۋدە - فوتو

فوتو: None
استانا. قازاقپارات - قازاقستان اسكەري تەڭىز كۇشتەرىنىڭ اسكەري قىزمەتشىلەرى كاپيتان- لەيتەنانت ايبەك جۇمانوۆ پەن 3-دارەجەلى ستارشينا تۇماربەك كوشكىنبايەۆ ا ق ش- قا تاعىلىمدامادان وتۋگە جىبەرىلدى.

 ەكى اپتاعا سوزىلاتىن كۋرس باحرەيندەگى ا ق ش اسكەري- تەڭىز كۇشتەرى 5- فلوتىنىڭ باس جەدەل بازاسىندا وتەدى.

مۇندا اسكەري تەڭىزشىلەرىمىز جاۋىنگەرلىك كورابلدە وزدەرىنىڭ شەتەلدىك ارىپتەستەرىنىڭ جۇمىسىن باقىلايدى، بىلىمدەرى مەن ادىستەمەلەرىن كورسەتەدى، تاجىريبە الماسادى.

 «ءبىز ا ق ش اسكەري- تەڭىز فلوتىنىڭ تەڭىزشىلەرى قالاي جۇمىس ىستەيتىنىن، سۋاستى اسكەري كورابلدەر ەكيپاجدارىنىڭ كۇندەلىكتى قىزمەتى، ولاردىڭ جاۋىنگەرلىك جانە دەنە دايارلىعى، سونداي- اق سۋعا شىعۋلارى قالاي ۇيىمداستىرىلعانىن قاداعالايمىز. بۇل ءبىزدىڭ ءارى قارايعى قىزمەتىمىزدە پايدالى بولاتىن تاجىريبە الماسۋ»، - دەپ بىلەمىن دەدى كاپيتان- لەيتەنانت ايبەك جۇمانوۆ.

 ق ر  ق ك اسكەري- تەڭىز كۇشتەرى باس قولباسشىسى باسقارماسىنىڭ ايتۋىنشا، مۇنداي كۋرستاردىڭ شىنايى وڭ ناتيجەلەرى بولادى. وسىعان بايلانىستى، حالىقارالىق ىنتىماقتاستىقتىڭ اۋقىمىن كەڭەيتە وتىرىپ، قازاقستان مەن وزگە دە ەلدەردىڭ اسكەري تەڭىزشىلەرىنىڭ بىرلەسكەن دايىندىق پراكتيكاسىن جالعاستىرۋ جوسپارلانۋدا.