قىتاي ش ى ۇ ەلدەرىمەن ساۋدا- ەكونوميكالىق ۋاعدالاستىقتى ىسكە اسىرادى

 استانا. قازاقپارات - قىتاي شاڭحاي ىنتىماقتاستىق ۇيىمىنا (ش ى ۇ) مۇشە ەلدەرمەن بىرلەسىپ ساۋدا جانە ەكونوميكا سالاسىنداعى قول جەتكىزىلگەن ۋاعدالاستىقتى ىسكە اسىرۋعا ءازىر».

بۇل تۋرالى ق ح ر كوممەرتسيا ءمينيسترى گاو حۋچەن مالىمدەدى، دەپ حابارلادى ت ا س س.

«ءبىز تەڭ قۇقىق قاعيداتىندا ىنتىماقتاستىقتى دامىتۋعا ءازىرمىز»، - دەپ اتاپ ءوتتى ول.

 كوممەرتسيا ءمينيسترىنىڭ ورىنباسارى تسيان كەمين مالىمدەگەندەي، 13 جىلدا قىتايدىڭ ش ى ۇ قاتىسۋشى ەلدەرمەن ساۋدا كولەمى ون ەسەدەن استامعا، 130 ميلليارد دوللارعا دەيىن ءوستى.

ونىڭ ايتۋىنشا، قىتاي ش ى ۇ- عا مۇشە ەلدەردەن تاۋارلاردىڭ كەڭ سپەكترىن بەلسەندى يمپورتتايدى. «ورتالىق ازيادان ءبىز گاز يمپورتتايمىز، رەسەيلىك بورەنە جيھاز ازىرلەۋ ءۇشىن، قازاقستان بيدايى قىتاي داستارحانىنا قويىلادى، وزبەكستان ماقتاسىنان كيىم ازىرلەيمىز، تاجىكستان جەمىسى قىتاي نارىعىندا جاقسى سۇرانىسقا يە»، - دەپ قوستى سيان كەمين.

ول سونداي- اق اۆتوموبيل جاساۋ، ەلەكتر ستانساسى قۇرىلىسى، سونداي- اق وندىرىستىك جابدىقتار مەن كومپيۋتەرلەر جەتكىزۋ سالاسىنداعى ىنتىماقتاستىقتى دامىتۋدى اتاپ ءوتتى.

 «تىعىز ەكونوميكالىق بايلانىستار ءبىزدىڭ ەلدەردىڭ گۇلدەنۋىنە ىقپال ەتەدى»، دەپ سانايدى ءمينيستردىڭ ورىنباسارى.

 ءسوز سويلەۋ بارىسىندا ول قازىر ش ى ۇ ەلدەرىندەگى قىتاي ينۆەستيتسيالارىنىڭ كولەمى 70 ميلليارد دوللاردان اسقانىن اتاپ ءوتتى. بۇل رەتتە ش ى ۇ ەلدەرىنىڭ قىتايعا ينۆەستيتسياسىنىڭ كولەمى 1 ميلليارد دوللاردان اسقان.