كينوتەاتردا كاسسير قىزدى ىشىنەن تەپكەن استانا تۇرعىنىنا قاتىستى سوت الدىنداعى تەرگەۋ امالدارى باستالدى
20:23, 15 - قىركۇيەك 2015
استانا. قازاقپارات - 22 جاستاعى ق. تورەكەلديەۆكە قاتىستى ق ر قىلمىستىق كودەكسىنىڭ 293-بابى (بۇزاقىلىق) بويىنشا سوت الدىنداعى تەرگەۋ امالدارى باستالىپ كەتتى، دەپ حابارلايدى استانا قالالىق ءى ءى د-نىڭ باسپا ءسوز قىزمەتىنەن.
«ازامات ق. بولماشى سەبەپپەن جابىرلەنۋشىگە قاتىستى بۇزاقىلىق جاساپ، وعان دەنە جاراقاتتارىن سالدى. كۇدىكتى تورەكەلديەۆ ق پ ك- نىڭ 128-بابىنىڭ بويىنشا ۇستالىپ، استانا قالالىق ءى ءى د ۋ ۇ ا- عا قامالدى»، - دەلىنگەن حابارلامادا.
ەسكە سالا كەتەيىك، بەينەباقىلاۋ كامەراسىنا ءتۇسىپ قالعان كينوتەاترعا كەلۋشىلەردىڭ ءبىرى كاسسير قىزدىڭ ىشىنەن تەپكەن ءساتى عالامتورعا جاريالانعان. بۇل بەينەجازبا الەۋمەتتىك جەلى پايدالانۋشىلارىن دۇرلىكتىرگەن بولاتىن.