ي. تاسماعامبەتوۆ دۋشانبەدە ۇ ق ش ۇ ەلدەرى قورعانىس مينيسترلەرى كەڭەسىنىڭ وتىرىسىنا قاتىستى
بۇل تۋرالى ق ر ق م باسپا ءسوز قىزمەتىنەن حابارلادى.
بۇل سامميتكە ەرەكشە وزەكتىلىكتى شەكارادا جانە ۇ ق ش ۇ- نىڭ جاۋاپكەرشىلىك ايماعىنان تاياۋ ماڭدا بولىپ جاتقان بەلگىلى وقيعالار ءمان بەرەدى.
دۋشانبەدەگى سامميتتە ورتا ازيا وڭىرىندەگى قاۋىپسىزدىكتى قامتاماسىز ەتۋ، تاياۋ شىعىستاعى احۋال ماسەلەلەرى قارالدى. ودان باسقا، ۇ ق ش ۇ- نىڭ ۇ ج د ك كەنەتتەن تەكسەرۋ، اسكەري وقۋ ورىندارىندا اسكەري كادرلاردى دايىنداۋدى ۇيىمداستىرۋدى جەتىلدىرۋ جانە مۇشە مەملەكەتتەر قورعانىس مينيسترلىكتەرىنىڭ ءبىلىم جانە عىلىمي جۇمىسىن ۇيلەستىرۋ، باسقارۋ ورگاندارى مەن ۇجىمدىق قاۋىپسىزدىك جۇيەسىنىڭ كۇشتەرى مەن قۇرالدارىنىڭ قۇرالىمدارىن جەدەل جانە جاۋىنگەرلىك دايارلاۋ ءىس- شارالارى تالقىلاندى.
وتىرىس قورىتىندىسى بويىنشا ۇ ق ش ۇ- نىڭ اسكەرلەرىن (ۇجىمدىق كۇشتەرىن) باسقارۋ جۇيەسى، اسكەري جانە وزگە دە قۇرالىمداردى، ولاردىڭ جىلجىمالى مۇلكى مەن اسكەري ماقساتتاعى ءونىمدى تاسىمالداۋ اياسىنداعى ىنتىماقتاستىق تۋرالى كەلىسىم، تەمىرجولداردى تەحنيكالىق تاسالاۋدىڭ ءبىرىڭعاي جۇيەسىن قۇرۋ تۋرالى كەلىسىمنىڭ قولدانىس مەرزىمىن ۇزارتۋ تۋرالى حاتتاما، توتەنشە جاعدايلار جانە ۇ ق ش ۇ- نىڭ حاتشىلىعى بويىنشا ۇيلەستىرۋ كەڭەسىنىڭ قىزمەتىن جەتىلدىرۋ تۋرالى ۇ ق ك شەشىمى، ۇيىمنىڭ بيۋدجەتىن بەكىتۋ بويىنشا قۇجاتتار توپتاماسىنا قول قويىلدى.
ۇجىمدىق قاۋىپسىزدىك كەڭەسىنىڭ ءوتىنىشى قابىلداندى. وندا 2014 - 2015 -جىلدارى ۇيىممەن اتقارىلعان جۇمىس قورىتىندىسى شىعارىلدى جانە دامۋ پەرسپەكتيۆالارى ايقىندالدى.
بارلىعى ۇ ق ش ۇ- نىڭ ۇجىمدىق قاۋىپسىزدىك كەڭەسىنىڭ كۇن تارتىبىندە ۇ ق ش ۇ- نىڭ اسكەري قۇرامداسىنا جاتاتىن 7 ماسەلە بولدى.
«تاجىكستان - ورتا- ازيا وڭىرىنە ەنۋ جولىنداعى توسقاۋىل. جالپى العاندا، ۇ ق ش ۇ- نىڭ اۋماعىندا لاڭكەستىك، ەكسترەميزم، ەسىرتكىنىڭ زاڭسىز اينالىمى، زاڭسىز كوشى- قون جانە تاعى باسقامەن بايلانىستى وتە كوپ تالاپ جانە قاۋىپ- قاتەر. تاجىكستان وسى پروبلەمالاردىڭ قاق ورتاسىندا تۇر» ، - دەپ اتاپ ءوتتى ۇ ق ش ۇ- نىڭ باس حاتشىسى نيكولاي بورديۋجا.
دۋشانبەدەگى سامميتتە ۇ ق ش ۇ- عا ءتوراعالىق ەتۋ تاجىكستاننان ارمەنياعا كوشتى. قازىرگى ساتتە ۇ ق ش ۇ- عا 6 ەل، ياعني، ارمەنيا، بەلارۋس، قازاقستان، قىرعىزستان، رەسەي جانە تاجىكستان كىرەتىنىن ەستەرىڭىزگە سالا كەتەيىك.