كوشەدە شولاق مىلتىقپەن جۇرگەن شىمكەنت تۇرعىنى ۇستالدى

شىمكەنت. قازاقپارات - شىمكەنت تۇرعىنى يىققا اساتىن سومكەسىندە مىلتىق ۇستاپ جۇرگەن.

پوليتسەيلەر سومكەسىندە مىلتىعى بار 18 جاستاعى ازاماتتى كەزدەيسوق ۇستادى.

 و ق و ءى ءى د باسپا ءسوز قىزمەتىنىڭ مالىمەتتەرىنشە، كەشكە ساعات 18:00 شاماسىندا شىمكەنت كوشەلەرىندە پوليتسەيلەر كوشەدە باقىلاۋ جۇرگىزۋ كامەرالارى ارقىلى ساۋدا ورتالىعىنىڭ جانىندا ءۇش جاس ازاماتتىڭ تەمەكى تۇقىلدارىن جەرگە تاستاعانىن كورىپ قالادى.

 ءتارتىپ ساقشىلارى ءتارتىپ بۇزۋشىلاردى توقتاتىپ، اكىمشىلىك قۇقىق بۇزۋشىلىق تۋرالى حاتتاما تولتىرماق بولعان. سول كەزدە ولاردىڭ نازارى يىعىنا دورباسىن اسىپ العان 18 جاستاعى ازاماتقا تۇسكەن. پوليتسەيلەر ونى تەكسەرۋ كەزىندە دورباسىنان بولشەكتەلگەن 20- كاليبرلى اڭشى مىلتىعىن انىقتاعان.

 ءتارتىپ بۇزۋشىلار شىمكەنت ءى ءى ب ەڭبەكشى پوليتسيا بولىمشەسىنە جىبەرىلدى. اتالعان فاكتى بويىنشا ق ر ق ك- ءنىڭ 287 - بابىمەن («قارۋ، وق- دارىلەر، جارىلعىش زاتتار مەن قۇرالداردى زاڭسىز ساتىپ الۋ، تاپسىرۋ، ساتۋ نەمەسە ساقتاۋ، تاسىمالداۋ نەمەسە ۇستاپ ءجۇرۋ» ) قىلمىستىق ءىس قوزعالدى. ايعاق دالەلدەر الىندى. كۇدىكتى ازامات ەشقايدا كەتپەۋ قولحاتىن تولتىردى.