ءۇزىلىسسىز جۇمىس دەنساۋلىققا كەرى اسەرىن تيگىزەدى
امەريكالىق عالىمدار ادامنىڭ دەنساۋلىعىنا جۇمىس گرافيگى مەن ونىڭ تىعىزدىعى قانشالىقتى اسەر ەتەتىندىگىن انىقتايتىن تاجىريبە جۇرگىزدى.
ول ءۇشىن تىشقانداردى 3 توپقا ءبولدى جانە ءارقايسىسىنا ساي گرافيك ويلاستىردى. ءبىرىنشى توپتاعى تىشقاندار فيزيكالىق بەلسەندىلىكتەن كەيىن دەمالدى. ال ەكىنشى توپتاعىلار جۇمىس پەن دەمالىستى كەزەكتەستىردى. ءۇشىنشى توپتاعىلار مۇلدەم دەرلىك دەمالمادى. ناتيجەسىندە ءبىرىنشى توپتاعى تىشقانداردىڭ ميىندا توزىمدىلىكتى ارتتىراتىن زاتتەكتەر جاسالىپ شىققان. وسى زاتتەكتىڭ ارقاسىندا ولار ءوزىن ۇستاۋدى ۇيرەنگەن. دەمالىستان كەيىن اعزاداعى اقۋىز دەڭگەيى قالپىنا كەلىپ، تاجىريبەدەن ءوتۋشى تىشقانداردىڭ دەنساۋلىعىنا ەش كەرى اسەرىن تيگىزبەگەن.
ەكىنشى توپتاعى تىشقانداردىڭ دا دەنساۋلىعىندا ەشقانداي اقاۋ بايقالماعان. دۇرىس قۇرىلعان گرافيكتىڭ ارقاسىندا تىشقانداردىڭ دەنساۋلىعىنا كەرى اسەرى تيمەگەن.
ءۇشىنشى توپتاعى تىشقانداردىڭ دەنساۋلىعى ناشارلاعان. تەكسەرىستەن كەيىن تىشقانداردىڭ ميىنىڭ جاسۋشاسى ولگەندىگى انىقتالعان. ولار ۇزاق ۇيىقتاپ، دەمالعان سوڭ دا الگى جاسۋشىلار قايتا قالپىنا كەلمەگەن.
دەمالىستىڭ اعزامىز ءۇشىن، اسىرەسە ميىمىز ءۇشىن پايداسى زور. سوندىقتان جۇمىس پەن دەمالىستى كەزەكتەستىرۋدى ۇمىتپاڭىز.