جارتىلاي جالاڭاش قىزدار مۇسىلمانداردىڭ ءماسليحاتىن بولدىرماي تاستادى

استانا. قازاقپارات - پاريج شەتىندەگى فرانسۋزداردىڭ پونتۋاز قالاسىندا ءوتىپ جاتقان مۇسىلماندار ءماسليحاتىن فەمينيستىك جانجالقور FEMEN قوزعالىسىنىڭ بەلسەندىلەرى ءبولىپ جىبەردى، - دەپ حابارلايدى NEWSru.co.il.

ەكى قىز ساحناعا شىعىپ، ءوز ايەلدەرىن ۇرۋ قۇقىعى تۋرالى مۇسىلمان ۋاعىزشىسى نادەر ءابۋ اناس لەكسيا وقىپ جاتقاندا كيىمدەرىن شەشىپ تاستادى. جارتىلاي جالاڭاش قىزدار ميكروفوندى الىپ، اراب جانە فراتسۋز تىلىندە ۇرانداتا باستادى.

ءماسليحاتقا قاتىسۋشىلار تارقاسۋعا بىردەن شەشىم قابىلداعان. نارازىلىق شاراسىن كۇزەتشىلەر توقتاتتى. ولار قىزداردى ساحنادان يتەرىپ، ۇرىپ- سوقتى. قازىر ولار بۇزاقىلىق ءۇشىن قاماۋدا وتىر.

باسىلىمنىڭ مالىمەتىنشە، قىزداردىڭ ءبىرى 25 جاستا، ال ەكىنشىسى 31 دە. ولار تۋنيس پەن الجيردىڭ تۋمالارى، مۇسىلمان وتباسىندا تاربيەلەنگەن.