ن. نازاربايەۆ تاجىك بيزنەسىن قازاقستاننىڭ يندۋستريالاندىرۋ باعدارلاماسىنا قاتىسۋعا شاقىردى
مۇنداي ۇسىنىستى مەملەكەت باسشىسى تاجىكستان پرەزيدەنتى ەمومالي راحمونمەن كەلىسسوزدەردىڭ قورىتىندىسىندا جاسادى، دەپ حابارلادى قازاقپارات ءتىلشىسى سەرىك سابەكوۆ.
«قازاقستان ءوزىنىڭ يندۋستريالدى دامۋ ساياساتىن جۇزەگە اسىرۋدا. ويتكەنى، قازىرگى ۋاقىتتا مۇناي مەن گازدىڭ، ءبىزدىڭ ەكسپورتتىق تاۋارلارىمىزدىڭ باعاسى قۇلدىراپ كەتتى»، - دەدى ن. نازاربايەۆ.
مەملەكەت باسشىسى ءوز سوزىندە قازاقستاندا بالاما ەكونوميكا قۇرىلىپ جاتقانىن باسا اتاپ ءوتتى.
«مۇمكىندىكتەرىنە قاراي تاجىك كومپانيالارىن يندۋستريالدى باعدارلامالارعا قاتىسۋعا شاقىرامىز. «نۇرلى جول» ينفراقۇرىلىمدىق باعدارلاماسى 7 مىڭ شاقىرىم اۆتوموبيل جولى جانە تەمىر جول سالۋدى كوزدەيدى»، - دەدى ق ر پرەزيدەنتى.
سونىمەن قاتار ەلباسى قازاقستان تاجىك سەرىكتەستەرىنە تاۋارلارىن ەۋروپا مەن باسقا دا ەلدەرگە ەكسپورتتاۋ ءۇشىن ءوزىنىڭ كولىكتىك ينفراقۇرىلىمىن پايدالانۋعا بەرۋگە دايىن ەكەندىگىن ايتتى.
اۆتور: مارلان جيەمباي