مەملەكەت باسشىسى تاجىك جاستارىن قازاقستاندىق ۋنيۆەرسيتەتتەرىنەن ءبىلىم الۋعا شاقىردى
15:28, 14 - قىركۇيەك 2015
دۋشانبە. قازاقپارات - ق ر پرەزيدەنتى نۇرسۇلتان نازاربايەۆ تاجىك جاستارىن قازاقستاندىق ج و و- لارعا تۇسۋگە شاقىردى.
بۇل تۋرالى مەملەكەت باسشىسى تاجىكستان رەسپۋبليكاسىنىڭ پرەزيدەنتى ەمومالي راحمونمەن دۋشانبەدەگى كەلىسسوز قورىتىندىسىندا ايتتى.
«ءبىز تاجىكستان جاستارىن قازاقستان ۋنيۆەرسيتەتتەرىنە تۇسۋگە شاقىرامىز»، - دەدى ن. نازاربايەۆ.
مەملەكەت باسشىسى قازاقستاندا وتە جاقسى حالىقارالىق ۋنيۆەرسيتەتتەر بارىن اتاپ ءوتتى.
«دوسىم پرەزيدەنت ەمومالي شاريپوۆيچتىڭ ۇسىنىمى بويىنشا قازاقستان تاجىك جاستارىنىڭ ەل ۋنيۆەرسيتەتتەرىندە ءبىلىم الۋىنا گرانت بولۋگە ءازىر»، - دەدى ن. نازاربايەۆ.
ونىڭ ايتۋىنشا، ءبىزدىڭ وقۋ ورىندارىندا بۇگىن شەتەلدەن ستۋدەنتتەر ءبىلىم الۋدا.
«تۇركىستاندا قازاق- تۇرىك ۋنيۆەرسيتەتى بار، استانادا، الماتىدا وتە مىقتى ۋنيۆەرسيتەتتەر بار، ءبىز جاستار ءبىر- ءبىرىن تانىپ، ءبىلىپ، تيىسىنشە دامۋى ءۇشىن الماسۋىمىز قاجەت»، - دەدى ن. نازاربايەۆ.