مىسىردىڭ قاۋىپسىزدىك كۇشتەرى قاتەلەسىپ، مەكسيكادان كەلگەن تۋريستەردى ءولتىردى
07:51, 14 - قىركۇيەك 2015
استانا. قازاقپارات - مىسىردا قاۋىپسىزدىك كۇشتەرى ليۆيالىق شەكاراعا جاقىن جەردە 12 ادامدى باتىس ارالىنداعى يسلامشىلار دەپ ويلاپ، اتىپ ولتىرگەن. ولاردىڭ قاتەلىگى سالدارىنان قازا تاپقانداردىڭ ىشىندە مەكسيكادان كەلگەن تۋريستەر دە بار.
مىسىر ءى ءى م حابارلاماسىنا سايكەس اتىس بارىسىندا كەم دەگەندە تاعى 10 ادام جاراقات العان. زارداپ شەككەندەردىڭ اراسىندا مىسىر ازاماتتارى، سونىمەن بىرگە مەكسيكادان كەلگەن تۋريستەر دە بار.
وقيعا مەكسيكالىق تۋريستەر مىنگەن ءتورت دجيپ «تىيىم سالىنعان» ايماققا كىرگەن كەزدە ورىن الدى.
مىسىرلىق ءى ءى م بولعان وقيعانىڭ ءمان- جايىن تەرگەۋگە كىرىستى.
بۇعان دەيىن ءبىر كۇن بۇرىن «يسلام مەملەكەتىنە» بايلانىستى جيحاد توبى ءوز سودىرلارىنىڭ باتىس ارالىندا ەكەنىن مالىمدەگەن بولاتىن.
بۇل وڭىرگە تۋريستەر كوپتەپ كەلەتىن، سوڭعى ۋاقىتتا بۇل جەر يسلامشىلار بازاسى رەتىندە دە بەلگىلى بولا باستادى.