تاريحىمىز قازاق دالاسىندا ەرتەدە ءومىر سۇرگەن ساق، ءۇيسىن، عۇن جانە تۇرىك قاعاناتتارىمەن تىكەلەي بايلانىستى - جانداربەك مالىبەكوۆ
04:34, 14 - قىركۇيەك 2015
استانا. قازاقپارات - تاريحىمىز قازاق دالاسىندا ەرتەدە ءومىر سۇرگەن ساق، ءۇيسىن، عۇن جانە دە تۇرىك قاعاناتتارىمەن تىكەلەي بايلانىستى. بۇل تۋرالى ق ر مەملەكەتتىك ەلتاڭباسىنىڭ اۆتورى جانداربەك مالىبەكوۆ ايتتى.
«قازاق حالقى كەشە عانا قالىپتاسقان جوق، ونىڭ تاريحى وتە تەرەڭدە ەكەنى بەلگىلى. ءبىزدىڭ قازاق دالاسىندا ەرتەدەن ساق، ءۇيسىن، عۇن جانە دە تۇرىك قاعاناتتارى ءومىر ءسۇردى. تاريحىمىز ولارمەن تىكەلەي قاتىستى. ودان كەيىن التىنوردا، ونىڭ ىشىنەن قازاق حاندىعى جەكە ءبولىنىپ شىقتى. ەلباسىمىز نۇرسۇلتان نازاربايەۆتىڭ ۇلىتاۋداعى سويلەگەن سوزىندە ايتقان ماسەلەلەردىڭ، عۇنداردان بەرى، قازىرگى تاۋەلسىزدىك دەپ كەلە جاتقان ماسەلەلەردىڭ بارلىعى حالقىمىز ءۇشىن ماڭىزدى، اسىرەسە جاستار ءۇشىن تەرەڭ ماڭىزدى ەكەنىن ايتۋ كەرەك دەگەن بولاتىن. ەندەشە قازاق حاندىعىنىڭ 550 جىلدىعىن تويلاۋ، وسكەلەڭ ۇرپاق ءۇشىن ۇلى تاريح بەتى»، - دەدى جانداربەك مالىبەكوۆ.