باسىلىمنىڭ مالىمەتتەرىنە سايكەس، ادام قالدىقتارى و ا ر- دىڭ يوحاننەسبۋرگ قالاسىنان شامامەن 50 شاقىرىم جەردەگى ۇڭگىردەن تابىلعان.
زەرتتەۋ جۇمىستارى 2013 جانە 2014 -جىلدارى ءجۇردى. سول ۋاقىتتان بەرى عالىمدار سۇيەك قالدىقتارىن ءجىتى زەرتتەپ، بۇرىن سوڭدى عىلىمعا بەيتانىس ادام ءتۇرىن انىقتادىق دەگەن توقتامعا كەلىپتى. بۇل تۋرالى 10 -قىركۇيەكتە ەۆوليۋتسيالىق زەرتتەۋلەر ينستيتۋتىنىڭ پروفەسسورى لي بەرگەر ءمالىم ەتتى.
ونىڭ ايتۋىنشا، جاڭادان انىقتالعان ادام ءتۇرى قازىرگى ادامزاتتىڭ ارعى اتاسى بولۋى مۇمكىن. عالىمدار تانىستىرعان رەكونسترۋكتسياعا سايكەس، ول قازىرگى ادامنان گورى مايمىلعا كوبىرەك ۇقسايدى. ادامنىڭ جاڭا تۇرىنە Homo naledi دەگەن اتاۋ بەرىلدى. جەرگىلىكتى حالىقتىڭ تىلىندە naledi «جۇلدىز» دەگەن ماعىنا بەرەدى.
ۇڭگىردىڭ ىشىنەن 15 ادامنىڭ قالدىعى تابىلىپتى، ونىڭ ىشىندە بالالار مەن قارتتارى دا بار. تالداۋ ناتيجەلەرىنە سايكەس، ءتىرى كەزدەرىندە ولار تىم ارىق، ال ميلارى اپەلسيننىڭ كولەمىمەن بىردەي بولعان. زەرتتەۋ جۇمىستارىنا الەمنىڭ ءتۇرلى ەلدەرىنەن 50 دەن اسا عالىم قاتىستى.
BNews