ەسكى ءانۇران شىرقالعان جەكپە- جەكتە ءبىرجان جاقىپوۆ جەڭىلىس تاپتى
بۇل تۋرالى Massaget.kz باسىلىمى جازادى.
ءبىرجان جاقىپوۆ پەن قىتاي بوكس مەكتەبى جۇلدىزدارىنىڭ ءبىرى ليۋ بيننىڭ جەكپە- جەگى قازاقستاندىق جانكۇيەرلەر كۇتپەگەن وقيعامەن باستالدى. جارىستى ۇيىمداستىرۋشىلار قازاقستاننىڭ ەسكى ءانۇرانىن قويىپ، قاتەلىك جىبەردى. بۇل دا قازاقستاندىق سپورتشىنى جەكپە- جەك الدىندا ءبىر قوبالجىتقانداي بولدى.
ءبىرىنشى جانە ەكىنشى راۋندتا ءۇش تورەشى دە ليۋ ءبيندى ۇزدىك دەپ تانىدى. ءۇشىنشى راۋندتا ءبىرجان جاقىپوۆ شيراق شابۋىلداپ، سوققىلارىن وتكىزە ءبىلدى. الايدا كەيىنگى راۋندتاردا وتانداسىمىز قارسىلاسىنان ارتىق قيمىل جاساي المادى. جەكپە- جەك تەڭ دارەجەدە جالعاسقانمەن، قارسىلاستىڭ جىلدام قيمىلى ۇپاي يەلەنۋىنە جول اشتى.
توعىزىنشى راۋندتا عانا ءبىرجاننىڭ شيراق قيمىلداپ، جويقىن سوققىلارىمەن كوزگە تۇسكەنىن بايقاعان تورەشىلەر ءوز ۇپايلارىن وتانداسىمىزعا بەردى. الايدا كەيىنگى ۋاقىتتا قازاقستاندىق بوكسشى قارسىلاسىنا ايقىن باسىمدىعىن تانىتا المادى. ناتيجەسىندە تورەشىلەر 113:115، 111:117، 111:117 ەسەپ ناتيجەلەرىمەن ليۋ بيندى جەڭىمپاز رەتىندە تانىدى. سونداي- اق، ارۆ چەمپيوندىق بەلبەۋىنە يە بولدى.
ايتا كەتەيىك، وسىعان دەيىن АРВ جوباسى اياسىندا انتون پينچۋك (91 كەلىگە دەيىن) رۋمىن دراگوس گيونيانى جەڭسە، ءىلياس سۇلەيمەنوۆ قىتايلىق يان چانعا ۇتىلىپ قالعان ەدى.
ەسكە سالا كەتەيىك، AIBA Pro Boxing وليمپياداعا ىرىكتەۋ جارىسى قازاقستانعا وليمپياداعا قاتىسۋدىڭ ەكى ليسەنزياسىن اكەلدى. ۇيىمنىڭ چەمپيونى رەتىندە كۆوتانى بەرىك ءابدىراحمانوۆ (60 كەلىگە دەيىن) السا، ەكىنشى جولداما ءبىرجان جاقىپوۆقا (49 كەلىگە دەيىن) بۇيىردى.