ن. نازاربايەۆ بارشا قازاقستان حالقىن وتباسى كۇنىمەن قۇتتىقتادى - فوتو
«قىمباتتى قازاقستاندىقتار، قۇرمەتتى سالتاناتتى جيىنعا قاتىسۋشىلار! بارشاڭىزدى مەنىڭ جارلىعىما سايكەس قىركۇيەك ايىنىڭ 2- جەكسەنبىسىندە اتالىپ وتىلەتىن وتباسى كۇنىمەن شىن جۇرەكتەن قۇتتىقتايمىن.
«مەرەيلى وتباسى» ۇلتتىق كونكۋرسىنىڭ مارەسى وسى ايتۋلى كۇنگە ورايلاستىرىلعان. ءاربىر شاڭىراقتاعى بەرەكە تۇپتەپ كەلگەندە تۇتاس ەلدىڭ بەرەكەسى. ادامعا ەڭبەكقورلىق، وتانسۇيگىشتىك، جاسامپازدىق پەن مەيىرىمدىلىك سياقتى اسىل قاسيەتتەر وتباسى ارقى داريدى. مەنىڭ باستاماممەن قولعا الىنعان «مەرەيلى وتباسى» كونكۋرسى قىسقا مەرزىم ىشىندە جالپى حالىقتىق بايقاۋعا اينالعانىن ريزاشىلىقپەن اتاپ وتەمىن. بىلتىرعى جىلعا قاراعاندا بيىلعى جىلى بايقاۋعا كوپ بالالى وتباسىلار ەكى ەسە، جاس وتباسىلار 1,5 ەسە كوپ قاتىستى.
سونداي- اق كونكۋرسقا جالپى قاتىسۋشىلاردىڭ 80 پايىزعا جۋىعى اۋىل تۇرعىندارى بولىپ تابىلادى. ولاردىڭ اراسىندا ءارتۇرلى ماماندىق يەلەرى، اتا كاسىبىن ۇرپاقتان- ۇرپاققا ميراس ەتكەن ەڭبەك اۋلەتتەرى بار. بارلىعى دا قۇرمەت پەن ماداققا لايىق. بۇگىنگى مەرەيلى كۇندە ءاربىر قازاقستاندىق وتباسىنا قاجىرلى ەڭبەك، تاعلىمدى تاربيە، ىزگى داستۇرلەر ساباقتاستىعىن لايىقتى جالعاستىرىپ كەلە جاتقانى ءۇشىن زور ريزاشىلىعىمدى بىلدىرەمىن. بەرىك وتباسىلىق قۇندىلىقتار ارقىلى عانا مەملەكەتتىڭ ىرگەسى مىعىم، عۇمىرى ماڭگى بولادى. بارشاڭىزعا زور دەنساۋلىق، بەرەكە- بىرلىك، جاقسىلىق تىلەيمىن! شاڭىراقتارىڭىزعا ماحاببات پەن تاتۋلىق سالتانات قۇرسىن!»، - دەلىنگەن ق ر پرەزيدەنتىنىڭ قۇتتىقتاۋىندا.
اۆتور: مارلان جيەمباي