سوقتىعىسقان ەكى كولىك جۇرگىزۋشىسىنىڭ ءبىرى ەكىنشىسىن اتىپ كەتتى

استانا. قازاقپارات - پوليتسيا جول-كولىك وقيعاسىنان كەيىن قارسىلاسىنىڭ باسىنان اتقان ىزاقور جۇرگىزۋشىنى ىزدەۋ جۇمىستارىن جۇرگىزۋدە.

ماسكەۋدەگى پوچتوۆايا كوشەسىندە جولدا جانجال تۋىنداپ، سونىڭ سالدارىنان ءبىر جۇرگىزۋشى اۋىر جاراقاتتانعان. LifeNews-تىڭ مالىمەتتەرىنشە، ەر ادام جول اپاتىنان كەيىن ەكىنشى كولىك جۇرگىزۋشىسىمەن سويلەسۋ ءۇشىن ماشينادان شىققان بەتتە ول وق جاۋدىرعان. وقتىڭ ءبىرى مۇنىڭ باسىنا ءتيدى.

اپات ورنىندا مەديتسينالىق قىزمەتكەرلەر مەن پوليتسيا جۇمىس جۇرگىزدى، جابىرلەنگەن ازامات اۋرۋحاناعا جەتكىزىلدى. ءتارتىپ ساقشىلارى الگى مەرگەندى ىزدەستىرىپ جاتىر، دەپ حابارلايدى piter.tv.