عالىمدار مارستان الىپ مۇزدىقتى تاپتى
18:28, 11 - قىركۇيەك 2015
استانا. قازاقپارات - امەريكا ب ا ق-تارى قىزىل عالامشاردان ۇزاق ۋاقىت بويى قاتىپ قالعان سۋ تابىلعانىن حابارلاپ وتىر.
مارستا ونىڭ بەتىنىڭ استىندا جاسىرىنىپ تۇرعان الىپ مۇزدىق تابىلدى، دەپ حابارلايدى Space.com. باسىلىمنىڭ مالىمەتتەرىنشە، ونىڭ اۋدانى 1 ميلليون شارشى شاقىرىمنان اسادى، ال قالىڭدىعى شامامەن 40 مەتردى قۇرايدى. بۇل قىزىل عالامشاردا تابىلعان ەڭ ءىرى مۇزدىق بولىپ وتىر.
عالىمداردىڭ پىكىرىنشە، مارستا ەرتەدە وزەندەر مەن تەڭىزدەر بولعان. قىزىل عالامشاردا مۇزدىقتار بۇعان دەيىن دە تابىلعان، ءبىراق ولار وسىنشاما كولەمدى ەمەس ەدى.