ارحيمەد مۇحامبەتوۆ قوستاناي وبلىسىنىڭ اكىمى بولىپ تاعايىندالدى

استانا. قازاقپارات - ەلباسى نۇرسۇلتان نازاربايەۆتىڭ جارلىعىمەن ارحيمەد مۇحامبەتوۆ قوستاناي وبلىسىنىڭ اكىمى بولىپ تاعايىندالدى.

بۇل تۋرالى اقوردانىڭ تۆيتەردەگى پاراقشاسىندا حابارلادى.

ارحيمەد بەگەجان ۇلى مۇحامبەتوۆ 1972 - جىلى تۋعان. سامارا مەملەكەتتىك تەحنيكالىق ۋنيۆەرسيتەتى مەن قازاق- ورىس حالىقارالىق ۋنيۆەرسيتەتىن بىتىرگەن. ماماندىعى بويىنشا - ينجەنەر- ەلەكتريك، قارجى باكالاۆرى.

ەڭبەك جولىن اقتوبە قالاسىنىڭ كوممەرتسيالىق قۇرىلىمدارىندا باستاعان. اقتوبە وبلىسىنىڭ سىرتقى- ەكونوميكالىق بايلانىس جانە ينۆەستيتسيالار باسقارماسىنىڭ باستىعى، «شاعىن كاسىپكەرلىكتى دامىتۋ قورى» ا ق وڭىرلىك ديرەكتورى، اقتوبە قالاسى اكىمىنىڭ ورىنباسارى، اقتوبە قالاسىنىڭ اكىمى قىزمەتتەرىن اتقاردى.

2011 - جىلعى 22- شىلدەسىنەن وسى ۋاقىتقا دەيىن اقتوبە وبلىسىنىڭ اكىمى قىزمەتىن اتقارعان.